Lander Vikram Touches Down on the Moon: କେମିତି ଲ୍ୟାଣ୍ଡିଂ କଲା ଲ୍ୟାଣ୍ଡର ବିକ୍ରମ ? ଦେଖନ୍ତୁ

ବେଙ୍ଗାଲୁର: ଭାରତର ଚନ୍ଦ୍ର ବିଜୟ । ଜହ୍ନରେ ଜୟ ହିନ୍ଦ ।  ଆଉ ଦୂର ନୁହେଁ ଚନ୍ଦ୍ର ମାମୁ । ଭାରତର ହାତରେ ଚନ୍ଦ୍ରମା । ବିଶ୍ବର ଚତୁର୍ଥ ଦେଶ ଭାବେ ଓ ଦକ୍ଷିଣ ମେରୁରେ ଅବତରଣ କରି ପ୍ରଥମ ଦେଶ ଭାବେ ଇତିହାସ ସୃଷ୍ଟି କଲା ଭାରତୀୟ ମହାକାଶ ଗେବଷଣା କେନ୍ଦ୍ର(ଇସ୍ରୋ) । ସଫଳ ହେଲା ଭାରତର ସ୍ବପ୍ନ । ସାର୍ଥକ ହେଲା ବୈଜ୍ଞାନିକଙ୍କ କଠୋର ପରିଶ୍ରମ । କାମ ଦେଲା ଦେଶବାସୀଙ୍କ ପ୍ରାର୍ଥନା । ଦୀର୍ଘ 50 ଦିନର ମହାକାଶ ଯାତ୍ରା ଶେଷ କରି ଶେଷରେ ଚନ୍ଦ୍ରପୃଷ୍ଠରେ ସଫଳତାର ସହ ଲ୍ୟାଣ୍ଡିଂ କଲା ଲ୍ୟାଣ୍ଡର ‘ବିକ୍ରମ’। 5.45 ଆରମ୍ଭ ହୋଇଥିଲା ପ୍ରଥମ ପର୍ଯ୍ୟାୟ ରଫ ବ୍ରେକିଂ ପ୍ରକ୍ରିୟା । ପୂର୍ବ ନିର୍ଦ୍ଧାରିତ ଅନୁସାରେ ସଂଧ୍ୟା 6ଟା 4 ମିନିଟରେ ଲ୍ୟାଣ୍ଡର ବିକ୍ରମ ଦକ୍ଷିଣ ମେରୁରେ ସଫଳତାର ସହ ଅବତରଣ କରିଛି । ଏନେଇ ଇସ୍ରୋ ମୁଖ୍ୟ ଘୋଷଣା କରିବା ପରେ ସାରା ଦେଶରେ ଖୁସିର ମାହୋଲ । ଜାରି ରହିଛି ଗ୍ରାଣ୍ଡ୍‌ ସେଲିବ୍ରେସନ ।  ଦେଖନ୍ତୁ ଶେଷ ମୂହୁର୍ତ୍ତରେ କିଭଳି ଲ୍ୟାଣ୍ଡିଂ କଲା ଲ୍ୟାଣ୍ଡର ବିକ୍ରମ ।