ରେଜଲ୍ଟ ପୂର୍ବରୁ କଂଗ୍ରେସର ସେଲିବ୍ରେସନ: ବାଜୁଛି ଡ୍ରମ୍ପ, ଫୁଟୁଛି ବାଣ

ନୂଆଦିଲ୍ଲୀ: ଆଜି ଆସିବ ମଧ୍ୟପ୍ରଦେଶ, ତେଲେଙ୍ଗାନା, ଛତିଶଗଡ ଓ ରାଜସ୍ଥାନ ଜନାଦେଶ । ସକାଳ 8ଟାରୁ ଭୋଟ ଗଣନା ଆରମ୍ଭ ହୋଇଥିବା ବେଳେ ଉତ୍ସାହିତ କଂଗ୍ରେସ କର୍ମୀ । ଏକଜିଟ ପୋଲରେ କଂଗ୍ରେସ ଦୁଇଟି ରାଜ୍ୟରେ ଭଲ ପ୍ରଦର୍ଶନ କରିବା ନେଇ ଆକଳନ କରାଯାଇଥିବା ବେଳେ ଏହାକୁ ନେଇ ଖୁସିରେ ନାଚିଲେ ଓ ବାଣ ଫୁଟାଇଛନ୍ତି କର୍ମୀ । ଦିଲ୍ଲୀ କଂଗ୍ରେସ ଅଫିସରେ ଭୋଟ ଗଣନା ପୂର୍ବରୁ ଏକାଠି ହୋଇ ଖୁସିରେ ଝୁମିଛନ୍ତି କର୍ମୀ । ଫଳାଫଳ ଆସିବା ପୂର୍ବରୁ କଂଗ୍ରେସ ଅଫିସରେ ମିଠା ପ୍ରସ୍ତୁତ ହୋଇ ରଖାଯାଇଛି । 4ଟି ରାଜ୍ୟର ନିର୍ବାଚନ ଫଳାଫଳ ଆସିବା ପରେ ଏହି ମିଠା ବଣ୍ଟନ କରାଯିବ । କଂଗ୍ରେସ ଭବନରେ ବର୍ତ୍ତମାନ ଡ୍ରମ ସାଙ୍ଗକୁ ଗୀତ ନାଚର ଆସର ଜମିଛି ।