ମହାକୁମ୍ଭ ମେଳା ୨୦୨୫ର ଶେଷ ଦିନ, ମହାଶିବରାତ୍ରି ଅବସରରେ ବୁଡ ପକାଉଛନ୍ତି ଲକ୍ଷାଧିକ ଶ୍ରଦ୍ଧାଳୁ

ପ୍ରୟାଗରାଜ ମହାକୁମ୍ଭ ମେଳା ୨୦୨୫ର ଆଜି ଶେଷ ଦିନ । ୪୫ ଦିନରେ ୬୭ରୁ ୬୮ କୋଟି ଶ୍ରଦ୍ଧାଳୁଙ୍କ ସମାଗମ ଅନୁମାନ

ପ୍ରୟାଗରାଜ: ଦୀର୍ଘ ୪୫ ଦିନ ଧରି ଚାଲିଥିବା ବିଶ୍ୱର ସବୁଠୁ ବଡ ସମାଗମ ମହାକୁମ୍ଭ ମେଳାର ଆଜି (ବୁଧବାର) ଅନ୍ତିମ ଦିନ । ପବିତ୍ର ମହାଶିବରାତ୍ରି ଓ ମେଳାର ଶେଷ ଦିନ ଅବସରରେ ତ୍ରିବେଣୀ ସଙ୍ଗମରେ ବୁଡ ପକାଇବାକୁ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଛି । ଆଜି ଭୋର ୪ଟା ସୁଦ୍ଧା ପାଖାପାଖି ୨୫ ଲକ୍ଷ ଶ୍ରଦ୍ଧାଳୁ ବୁଡ ପକାଇଛନ୍ତି । ତେବେ ଚଳିତ ବର୍ଷ କୁମ୍ଭମେଳାରେ ୬୭ରୁ ୬୮ କୋଟି ଶ୍ରଦ୍ଧାଳୁଙ୍କ ସମାଗମ ହେବା ନେଇ ଅନୁମାନ କରାଯାଉଛି ।

#WATCH प्रयागराज: महाशिवरात्रि के अवसर पर महाकुंभ में पावन स्नान करने के लिए श्रद्धालु बड़ी संख्या में पहुंच रहे हैं। pic.twitter.com/kuymFLglPl

— ANI_HindiNews (@AHindinews) February 25, 2025

ଏବେସୁଦ୍ଧା ବୁଡ ପକାଇଲେଣି ୬୫କୋଟିରୁ ଊର୍ଦ୍ଧ୍ୱ ଶ୍ରଦ୍ଧାଳୁ:

ମହାକୁମ୍ଭ ଆରମ୍ଭର ପ୍ରଥମ ଦିନ ଅର୍ଥାତ୍ ଜାନୁଆରୀ ୧୩ ତାରିଖ ଦିନ ପୌଷ ପୂର୍ଣ୍ଣିମା ସ୍ନାନ ଅବସରରେ ୧.୭୦ କୋଟି ଶ୍ରଦ୍ଧାଳୁଙ୍କ ଭିଡ ଜମିଥିଲା । ୧୪ ଜାନୁଆରୀ ଅର୍ଥାତ୍ ମକର ସଂକ୍ରାନ୍ତିରେ ୩.୫୦ କୋଟିରୁ ଅଧିକ ଭକ୍ତ ପବିତ୍ର ତ୍ରିବେଣୀ ସଙ୍ଗମରେ ସ୍ନାନ କରିଥିଲେ । ସେହିପରି ୨୯ ଜାନୁଆରୀ ମୌନୀ ଅମାବାସ୍ୟା ଅବସରରେ ୭.୬୪କୋଟି, ୩ ଫେବୃଆରୀ ଅର୍ଥାତ୍ ସରସ୍ୱତୀ ପୂଜା (ବସନ୍ତ ପଞ୍ଚମୀ) ଦିନ ୨.୫୭କୋଟି, ୧୨ ଫେବୃଆରୀ ମାଘ ପୂର୍ଣ୍ଣିମା ଦିନ ୨ କୋଟି ଶ୍ରଦ୍ଧାଳୁ ସଙ୍ଗମରେ ସ୍ନାନ କରିଥିଲେ ।

#WATCH प्रयागराज: महाशिवरात्रि के अवसर पर श्रद्धालु पावन स्नान के लिए महाकुंभ में पहुंच रहे हैं। ड्रोन वीडियो त्रिवेणी संगम से है। #MahaKumbh2025 pic.twitter.com/h6DwRka6IS

— ANI_HindiNews (@AHindinews) February 26, 2025

ସେହିପରି ସୋମବାର ଦିନ ୧. ୩୦କୋଟିରୁ ଅଧିକ ସଙ୍ଗମରେ ସ୍ନାନ କରିଥିବା ବେଳେ ମଙ୍ଗଳବାର ଦିନ ୧.୧୧ କୋଟିରୁ ଊର୍ଦ୍ଧ୍ୱ ଶ୍ରଦ୍ଧାଳୁ ତ୍ରିବେଣୀ ସଙ୍ଗମରେ ପହଞ୍ଚିଥିଲେ । ଜାନୁଆରୀ ୧୩ରୁ ଏବେସୁଦ୍ଧା ୬୫କୋଟିରୁ ଊର୍ଦ୍ଧ୍ୱ ଶ୍ରଦ୍ଧାଳୁ ବୁଡ ପକାଇ ସାରିଛନ୍ତି । ଶେଷ ଦିନରେ ଅର୍ଥାତ୍ ଆଜି ଆହୁରୀ ୨ରୁ ୩ କୋଟି ଶ୍ରଦ୍ଧାଳୁ ସଙ୍ଗମରେ ସ୍ନାନ କରିପାରନ୍ତି ବୋଲି ଅନୁମାନ କରାଯାଉଛି ।

VIDEO | Maha Kumbh 2025: DIG Maha Kumbh Mela Vaibhav Krishna says, " crowd control is being done very effectively in the kumbh mela area on the occasion of mahashivratri. we are regulating the crowd and sending them towards respective ghats. the situation is under control… pic.twitter.com/k6COSZilTL

— Press Trust of India (@PTI_News) February 26, 2025

ଅନ୍ତିମ ସ୍ନାନ ପାଇଁ ଆଲର୍ଟରେ ପ୍ରଶାସନ:

ଭିଡ କାରଣରୁ ଗତକାଲି (ମଙ୍ଗଳବାର) ଅପରାହ୍ନ ୪ଟାରୁ ସହରରେ ଗାଡି ଚଳାଚଳ ଉପରେ କଟକଣା ଲଗାଯାଇଛି । ନିକଟସ୍ଥ ଘାଟରେ ସ୍ନାନ କରିବାକୁ ଶ୍ରଦ୍ଧାଳୁମାନଙ୍କୁ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି । ସହରର ସମସ୍ତେ ସୀମାଗୁଡିକରେ ପୋଲିସ ଫୋର୍ସ ମୁତୟନ କରାଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଲଗାତର ଭାବେ ପ୍ରସ୍ତୁତି ସମୀକ୍ଷା କରିଛନ୍ତି । ପୂର୍ବରୁ ମୁଖ୍ୟମନ୍ତ୍ରୀ ୫୦ କୋଟି ଶ୍ରଦ୍ଧାଳୁଙ୍କ ଆଗମନ ହେବା ନେଇ ଅନୁମାନ କରିଥିବା ବେଳେ ଏହି ସଂଖ୍ୟାରୁ ଯଥେଷ୍ଟ ଅଧିକ ଶ୍ରଦ୍ଧାଳୁଙ୍କ ଆଗମନ ହୋଇଛି ।

ଏହାମଧ୍ୟ ପଢନ୍ତୁ...

ବ୍ୟୁରୋ ରିପୋର୍ଟ, ଇଟିଭି ଭାରତ