ହାଇଦ୍ରାବାଦ: ଆଜିକାଲି ଜୀବନଶୈଳୀରେ ପରିବର୍ତ୍ତନ ଏବଂ ଖାଦ୍ୟପେୟ ପ୍ରତି ଅସାବଧାନତା ଯୋଗୁଁ ଲୋକମାନେ ଅନେକ ପ୍ରକାର ସମସ୍ୟାର ସମ୍ମୁଖୀନ ହେଉଛନ୍ତି । ଲୋକମାନେ ଲଗାତାର ଉଚ୍ଚ ରକ୍ତଚାପ ଏବଂ ମଧୁମେହ ଭଳି ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ଆଜିକା ସମୟରେ, କିଡନୀ ଷ୍ଟୋନ ମଧ୍ୟ ଏକ ସାଧାରଣ ରୋଗ ହୋଇଗଲାଣି । ଶରୀରରେ ଏହି ସମସ୍ୟା ଦେଖାଦେଲେ ଏହାର ଯନ୍ତ୍ରଣା ଅସହ୍ୟ ହୋଇପାରେ ।
କିଡନୀ ଆମ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ । ରକ୍ତ ସଫା କରିବା ଏବଂ ପରିସ୍ରା ଉତ୍ପାଦନ କରିବା ହେଉଛି ଏହାର କାମ । ଏହା ବ୍ୟତୀତ, ଖାଦ୍ୟ ଏବଂ ପାନୀୟରୁ ବିଷାକ୍ତ ପଦାର୍ଥ ବାହାର କରିବା ପାଇଁ କିଡନୀ କାମ କରେ । କିନ୍ତୁ ଯେତେବେଳେ ଏହି ବିଷାକ୍ତ ପଦାର୍ଥଗୁଡ଼ିକ କିଡନୀରୁ ସମ୍ପୂର୍ଣ୍ଣ ଭାବରେ ବାହାରକୁ ବାହାରି ନ ଥାଏ, ସେତେବେଳେ ଏଗୁଡ଼ିକ ଧିରେ ଧିରେ ଜମା ହୋଇ ଷ୍ଟୋନ ବା ପଥରର ରୂପ ନେଇଥାଏ । ଯଦି ସଠିକ ସମୟ ମଧ୍ୟରେ ଏହାର ଚିକିତ୍ସା କରା ନ ଯାଏ, ତେବେ ଏହି ସାଧାରଣ ସମସ୍ୟା କିଡନୀକୁ କ୍ଷତି ପହଞ୍ଚାଇ ଅକାମୀ କରିପାରେ ।
- ପେଟ ଏବଂ ଆଖପାଖରେ ଯନ୍ତ୍ରଣା
- ପରିସ୍ରା କରିବା ସମୟରେ ଯନ୍ତ୍ରଣା କିମ୍ବା ଜଳାପୋଡ଼ା
- ପରିସ୍ରାରେ ରକ୍ତ ପଡ଼ିବା
- ଦୁର୍ଗନ୍ଧଯୁକ୍ତ ପରିସ୍ରା ହେବା
- ଲାଲ, ମାଟିଆ କିମ୍ବା ଗୋଲାପୀ ରଙ୍ଗର ପରିସ୍ରା ହେବା
- ବାନ୍ତି କରିବା
- ବାରମ୍ବାର ବାନ୍ତି ଲାଗିବା
- ରଙ୍ଗହୀନ ପରିସ୍ରା ହେବା
- ବାରମ୍ବାର ପରିସ୍ରା ହେବା
- ଜ୍ୱର ଏବଂ ଥଣ୍ଡା ଲାଗି ରହିବା
- ଅଳ୍ପ ପରିମାଣରେ ପରିସ୍ରା କରିବା
କିଡନୀ ଷ୍ଟୋନ ସମସ୍ୟା ଥିଲେ ଏସବୁ ସେବନ କରନ୍ତୁ:
ତୁଳସୀପତ୍ର: ତୁଳସୀପତ୍ରରେ ଥିବା ଉପାଦାନଗୁଡ଼ିକ ଶରୀରରେ ୟୁରିକ୍ ଏସିଡର ସ୍ତରକୁ ନିୟନ୍ତ୍ରଣ କରିବାରେ ଉପଯୋଗୀ ହୋଇଥାଏ । |
ପାଣି: ଯଦି ଆପଣଙ୍କର କିଡନୀରେ ଷ୍ଟୋନ ଅଛି, ତେବେ ଦିନକୁ ଅତି କମରେ 12 ଗ୍ଲାସ ପାଣି ପିଅନ୍ତୁ । ପାଣି ସାହାଯ୍ୟରେ କିଡନୀ ଷ୍ଟୋନ ଶରୀରରୁ ଶୀଘ୍ର ବାହାରକୁ ବାହାରିଯାଏ । |
ଲେମ୍ବୁ ରସ: ଲେମ୍ବୁ ରସ କିଡନୀ ଷ୍ଟୋନ୍ ହେବାର ଆଶଙ୍କାକୁ ବହୁତ ପରିମାଣରେ ହ୍ରାସ କରେ । ଏହା କିଡନୀ ଷ୍ଟୋନର ଆକାର କମାଇବାରେ ମଧ୍ୟ କାମ କରିଥାଏ । |
ଏହି ଜିନିଷଗୁଡ଼ିକ ଖାଇବା ଉଚିତ୍ ନୁହେଁ:
ନିରାମିଷ ଖାଦ୍ୟ:
ନିରାମିଷ ଖାଦ୍ୟରେ ପ୍ରଚୁର ପରିମାଣର ପ୍ରୋଟିନ୍ ଥାଏ । ଯଦି ଆପଣଙ୍କର କିଡନୀ ଷ୍ଟୋନ୍ ସମସ୍ଯା ଅଛି, ତେବେ ଆପଣଙ୍କୁ ପ୍ରୋଟିନଯୁକ୍ତ ଖାଦ୍ଯ କମ କରିବା ଉଚିତ । କାରଣ ଏହା କିଡନୀ ଷ୍ଟୋନ୍ ହେବାର ଆଶଙ୍କା ବଢ଼ାଇଥାଏ । ଯଦି ଆପଣଙ୍କର କିଡନୀରେ ଷ୍ଟୋନ ସମସ୍ୟା ଅଛି, ତେବେ ଆପଣଙ୍କୁ ଅଣ୍ଡା, ଦହି, ଚଣା, ମାଛ, ଚିକେନ୍ ଏବଂ ଡାଲିରୁ ତିଆରି ଖାଦ୍ୟ ଖାଇବା ଉଚିତ୍ ନୁହେଁ ।
ଥଣ୍ଡା ପାନୀୟ (Cold Drink):
ଯଦି ଆପଣଙ୍କର କିଡନୀରେ ଷ୍ଟୋନ ସମସ୍ୟା ଅଛି, ତେବେ ଆପଣ କୋଲ୍ଡ ଡ୍ରିଙ୍କ୍ସ ପିଇବା ଉଚିତ୍ ନୁହେଁ । କାରଣ ଥଣ୍ଡା ପାନୀୟ ତିଆରିରେ ଫସଫୋରିକ ଏସିଡ୍ ପ୍ରଚୁର ପରିମାଣରେ ବ୍ୟବହୃତ ହୁଏ । ଏହା ଷ୍ଟୋନ ହେବାର ଆଶଙ୍କା ବଢ଼ାଇଥାଏ ।
ଲୁଣ:
କିଡନୀରେ ଷ୍ଟୋନ ସମସ୍ୟାରେ ପୀଡିତ ବ୍ୟକ୍ତିମାନେ ଅଧିକ ଲୁଣ ଖାଇବା ଉଚିତ୍ ନୁହେଁ । କାରଣ ଲୁଣରେ ସୋଡିୟମ୍ ଥାଏ । ଲୁଣ ଅଧିକ ଖାଇବା ଦ୍ବାରା ଶରୀରରେ ଥିବା ସୋଡିୟମ୍, କ୍ୟାଲସିୟମରେ ପରିଣତ ହୁଏ । ଏହି କାରଣରୁ ଶରୀରରେ ଷ୍ଟୋନ ସୃଷ୍ଟି ହେବା ଆରମ୍ଭ ହୁଏ ।
ଭିଟାମିନ୍ ସି:
ଯଦି ଆପଣଙ୍କର କିଡନୀ ଷ୍ଟୋନ ସମସ୍ୟା ଅଛି, ତେବେ ଆପଣଙ୍କୁ ଭିଟାମିନ୍-C ଯୁକ୍ତ ଖାଦ୍ୟ ଖାଇବା ଉଚିତ୍ ନୁହେଁ ।
କିଡନୀ ଷ୍ଟୋନ ସମସ୍ୟାରେ ପୀଡିତ ବ୍ୟକ୍ତି ପାଳଙ୍ଗ, ପ୍ଲମ୍ (plums), ଡ୍ରାଏ ଫ୍ରୁଟ୍ସ ଏବଂ ଚା' ପିଇବା ଉଚିତ୍ ନୁହେଁ । କାରଣ ଏଥିରେ ଅକ୍ସାଲେଟ୍ (oxalate)ର ପରିମାଣରେ ଅଧିକ ଥାଏ ।
ଏହା ମଧ୍ୟ ପଢ଼ନ୍ତୁ.. ଏହି 10ଟି ଲକ୍ଷଣ ଦେଖାଦେଉଛି କି ? ହୋଇପାରେ କିଡନୀ ଫେଲର ସଂକେତ ୟୁରିକ ଏସିଡ୍-କିଡନୀ ରୋଗ ପାଇଁ ଚିନ୍ତିତ କି ? ଏହି ଚଟଣି ଘରେ କରି ଖାଆନ୍ତୁ |
Disclaimer: (ଏହି ରିପୋର୍ଟରେ ଦିଆଯାଇଥିବା ସମସ୍ତ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା ଏବଂ ପରାମର୍ଶ କେବଳ ଆପଣଙ୍କ ସୂଚନା ପାଇଁ । ବୈଜ୍ଞାନିକ ଗବେଷଣା, ଅଧ୍ୟୟନ, ଡାକ୍ତରୀ ଏବଂ ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଉପରେ ଆଧାର କରି ଏହି ସୂଚନା ପ୍ରଦାନ କରାଯାଇଛି । ଏହି ପଦ୍ଧତି କିମ୍ବା ପ୍ରକ୍ରିୟା ଅନୁସରଣ କରିବା ପୂର୍ବରୁ ଏହା ବିଷୟରେ ବିସ୍ତୃତ ଭାବରେ ଜାଣିବା ଉଚିତ ଏବଂ ଆପଣଙ୍କ ବ୍ୟକ୍ତିଗତ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ । ଏହା ଇଟିଭି ଭାରତର ନିଜସ୍ବ ମତ ନୁହେଁ।)
