ଯୁବତୀଙ୍କୁ ଅପହରଣ, CCTVରେ କଏଦ ହେଲା ଦୃଶ୍ୟ

ହାଇଦ୍ରାବାଦ: ଘରୁ ଯୁବତୀଙ୍କୁ ଅପହରଣ। ଭୋରରୁ ଏକ କାରରେ ଜୋରଜବରଦସ୍ତ ନାବାଳିକାଙ୍କୁ ଅପହରଣ କରି ନେଇଯାଉଥିବାର ଦୃଶ୍ୟ ସମସ୍ତଙ୍କୁ ବିଚଳିତ କରିଛି । ଏମିତି ଏକ ଘଟଣା ଦେଖିବାକୁ ମିଳିଛି ତେଲେଙ୍ଗାନା ରାଜନ୍ନା ସିର୍କିଲ୍ଲା ଜିଲ୍ଲାର ଚନ୍ଦୁର୍ଥୀ ଅଞ୍ଚଳରେ । ଭିଡ଼ିଓରେ ଦେଖିବାକୁ ମିଳିଛି ଏକ କାରରେ କିଛି ଦୁର୍ବୃତ୍ତ ଆସି ଘରୁ ଯୁବତୀଙ୍କୁ ଜୋରଜବରଦସ୍ତ ଗାଡ଼ି ଭିତରକୁ ନେଉଛନ୍ତି । ଏହି ସମୟରେ ଯୁବତୀଙ୍କ ବାପା ଅଟକାଇବାକୁ ଚେଷ୍ଟା କରିଥିଲେ । ମାତ୍ର ତାଙ୍କୁ ଠେଲି ଦୁର୍ବୃତ୍ତମାନେ ସେଠାରୁ ପଳାଇ ଯାଇଥିବା ଦେଖିବାକୁ ମିଳିଛି। ସିସିଟିଭି ଆଧାରରେ ପୋଲିସ ଏହି ଘଟଣାର ତଦନ୍ତ କରୁଛି।