ରାସ୍ତା ଉପରେ ବସିଥିଲେ ଯୁବକ, ସାମ୍ନାପଟୁ ଆସି ଘୋଷାଡ଼ିନେଲା କାର

ନୂଆଦିଲ୍ଲୀ: ରାସ୍ତା ଉପରେ ବସିଥିଲେ ଯୁବକ, ସାମ୍ନାପଟୁ ଆସି ମାଡ଼ିଦେଲା କାର । ଫଳରେ ଯୁବକଙ୍କ ମୃତ୍ୟୁ ଘଟିଛି । ସୋସିଆଲ ମିଡ଼ିଆରେ ଭୟଙ୍କର ଦୁର୍ଘଟଣାର ଛାତିଥରା ଭିଡ଼ିଓ ଭାଇରାଲ ହେବାରେ ଲାଗିଛି । ଏହି ଘଟଣାଟି ମଙ୍ଗଳବାର ବିଳମ୍ବିତ ରାତି ଦିଲ୍ଲୀ ସ୍ଥିତ ଗାଜିଆବାଦର କବିନଗର ଥାନା ଅଞ୍ଚଳର ହୋଇଥିବା ଜଣାପଡ଼ିଛି । ଭିଡ଼ିଓରେ ଦେଖିବାକୁ ମିଳିଛି ଯେ, ଜଣେ ଯୁବକ ରାସ୍ତା ଉପରେ ବସିଛନ୍ତି । ହଠାତ୍ ସାମ୍ନାପଟୁ ଏକ କାର ଆସି ଯୁବକଙ୍କୁ ମାଡ଼ି ଦେଇଥିଲା । ଯୁବକ ଜଣକ କାର ତଳେ ଫସିଯାଇଥିବା ବେଳେ ଡ୍ରାଇଭର ଜଣକ ଗାଡ଼ିକୁ ଆଗକୁ ଟାଣିନେଇଥିଲେ । ତେବେ ଦୁର୍ଘଟଣା ଘଟାଇଥିବା ଗାଡ଼ିରେ ବିଜେପି ଦଳର ଷ୍ଟିକର ଲାଗିଥିବା ଦେଖିବାକୁ ମିଳିଛି । ଅନ୍ୟପଟେ ବିଳମ୍ବିତ ରାତିରେ ଯୁବକ ଜଣକ କାହିଁକି ରାସ୍ତା ଉପରେ ବସିଥିଲେ, ତାହା ବଡ଼ ପ୍ରଶ୍ନ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଘଟଣାର ତଦନ୍ତ କରୁଛି ।