Viral Video: ଟ୍ରାଫିକ ନିୟମକୁ ଫୁ', ଚଳନ୍ତା ବାଇକରେ ରାସ୍ତା ଉପରେ ପ୍ରେମୀ ଯୁଗଳଙ୍କ ରୋମାନ୍ସ, ଭିଡିଓ ଭାଇରାଲ

ଲକ୍ଷ୍ମୌ: ରିଲ୍ସ ପାଇଁ ଯୁବଗୋଷ୍ଠୀ ନିଜ ଜୀବନକୁ ବିପଦରେ ପକାଇବା କିଛି ନୂଆ କଥା ନୁହେଁ । ବାରମ୍ବାର ଏଭଳି ଘଟଣା ଦେଖିବାକୁ ମିଳିଛି । ତେବେ ଏଭଳି ଗୋଟିଏ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।  ଟ୍ରାଫିକ ନିୟମକୁ ଫୁ କରି ବିପଦପୂର୍ଣ୍ଣ ଭାବେ ଚଳନ୍ତା ବାଇକରେ ରୋମାନ୍ସ କରୁଛନ୍ତି ପ୍ରେମୀଯୁଗଳ । ଏହି 21 ସେକେଣ୍ଡର ଏହି ଭିଡିଓରେ ଦେଖିବାକୁ ମିଳୁଛି ଯେ, ଯୁବକ ଜଣକ ବିନା ହେଲମେଟରେ ଗାଡ଼ି ଚଲାଉଥିବା ବେଳେ ଗାଡ଼ି ଟାଙ୍କି ଉପରେ ଯୁବତୀ ଜଣକ ଯୁବକଙ୍କ ଆଡ଼କୁ ମୁହଁ କରି ବସିଛନ୍ତି ଓ ପଛପଟେ ଆସୁଥିବା କାରରେ ଥିବା ଜଣେ ଯାତ୍ରୀ ଏହି ଭିଡିଓକୁ ସୁଟ୍‌ କରୁଛନ୍ତି ।

ସ୍ପଷ୍ଟ ଦିବାଲୋକରେ ଜାତୀୟ ରାଜପଥରେ ଏଭଳି ଖୁଲମଖୋଲା ରୋମାନ୍ସ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ତେବେ ଏହି ଭିଡିଓଟି ଉତ୍ତରପ୍ରଦେଶର ହାପୁଡ଼ ଜିଲ୍ଲା ସିମ୍ଭାବଲି ଅଞ୍ଚଳର ଜାତୀୟ ରାଜପଥରେ ହୋଇଥିବା ସୂଚନା ମିଳିଛି । ପ୍ରେମୀ ଯୁଗଳଙ୍କ ଏଭଳି ଆଚରଣକୁ ନେଇ ପୁରା ସହରରେ ଚର୍ଚ୍ଚା ଜୋର ଧରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ