ଆଗାମୀ ନିର୍ବାଚନରେ ମହିଳାଙ୍କ ଉପରେ ଫୋକସ କରିବ ବିଜେପି: ଉଷା ବାଜପେୟୀ

କଟକ: କଟକ ଗସ୍ତରେ ବିଜେପିର ରାଷ୍ଟ୍ରୀୟ ଉପସଭାନେତ୍ରୀ ଉଷା ବାଜପେୟୀ । କଟକ ଜିଲ୍ଲା ମହିଳା ମୋର୍ଚ୍ଚା ସାଙ୍ଗଠନିକ ବୈଠକର କାର୍ଯ୍ୟକ୍ରମରେ ଯୋଗଦେଇ ମହିଳା ମୋର୍ଚ୍ଚାକୁ ସୁଦୃଢ଼ କରିବା ସହ କଟକର ସଂସ୍କୃତି ପରମ୍ପରା ବିଷୟରେ ଜାଣି ତାର ପ୍ରଚାର କରିବା ଦ୍ୱରା ସମ୍ପର୍କ ସୁଦୃଢ଼ ହେବ ବୋଲି କହିଛନ୍ତି । ତେବେ ଆଜି କଟକରେ ପହଞ୍ଚିବା ପରେ ପ୍ରଥମେ କଟକର ଅଧିଷ୍ଠାତ୍ରୀ ଦେବୀ ମା' କଟକ ଚଣ୍ଡୀଙ୍କ ଦର୍ଶନ କରିଥିଲେ । ପରେ ଓଡ଼ିଆ ବଜାରସ୍ଥିତ ନେତାଜୀଙ୍କ ଜନ୍ମସ୍ଥାନ ଯାଇ ନେତାଜୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ତେବେ ଉଷାଙ୍କ କହିବାନୁଯାୟୀ ଓଡ଼ିଶାରେ ମହିଳା ଆତ୍ମନିର୍ଭରଶୀଳ ଦିଗରେ ବେଶ ଅଗ୍ରସର । ଯାହା ପୂର୍ବରୁ ଦୃଷ୍ଟିଗୋଚର ହେଉନଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନରେ ଏହି ପରିବର୍ତ୍ତନର ଆଶା ସଞ୍ଚାର ହୋଇଛି। ଏହାଛଡା ଆଗାମୀ ନିର୍ବାଚନରେ ମଧ୍ୟ ମହିଳାମାନଙ୍କ ଉପରେ ଅଧିକ ନିର୍ଭର କରିବ ଦଳ ବୋଲି କହିଛନ୍ତି ଉଷା ବାଜପେୟୀ ।