ତିଜାରା ଆସନରେ ବିଜୟ ମୁହାଁ ରାଜସ୍ଥାନର ଯୋଗୀ, ଦଳୀୟ କର୍ମୀଙ୍କୁ ଦେଲେ ଶ୍ରେୟ

ଜୟପୁର: ରାଜସ୍ଥାନରେ କଂଗ୍ରେସକୁ ମାତ୍‌ ଦେଇଛି ବିଜେପି । ଚଳିତ ବିଧାନସଭା ନିର୍ବାଚନରେ ଫେଲ୍‌ ମାରିଛି ସିଏମ ଅଶୋକ ଗେହଲଟଙ୍କ ଯାଦୁ । ଭାରତୀୟ ନିର୍ବାଚନ ଆୟୋଗଙ୍କ ତଥ୍ୟ ଅନୁସାରେ 199 ଆସନ ମଧ୍ୟରୁ ବିଜେପି 114ଟି ଆସନରେ ଲିଡ୍‌ କରୁଥିବା ବେଳେ 70ଟି ଆସନରେ ଆଗରେ ରହିଛି କଂଗ୍ରେସ । ସେପଟେ ତିଜାରା ବିଧାନସଭା ଆସନରେ ଲିଡ୍‌ କରୁଛନ୍ତି ରାଜସ୍ଥାନର ଯୋଗୀ ମହନ୍ତ ବାଲକନାଥ ଯୋଗୀ । ସେ ବିଜୟର ଶ୍ରେୟ ଦଳୀୟ କର୍ମୀ ଓ ତିଜାରାବାସୀଙ୍କୁ ଦେଇଛନ୍ତି । ଲୋକେ ତାଙ୍କୁ ବିଜୟୀ କରି ପୁଣି ଥରେ ସେବା କରିବାର ସୁଯୋଗ ଦେଇଥିବାରୁ ସେ କୃତଜ୍ଞ ଥିବା କହିଛନ୍ତି । ସୂଚନା ଥାଉ କି ରାଜସ୍ଥାନର ମୁଖ୍ୟମନ୍ତ୍ରୀ ପଦବୀ ଲାଗି ଦାବିଦାରଙ୍କ ମଧ୍ୟରେ ବାଲକନାଥ ଯୋଗୀ ମଧ୍ୟ ରହିଛନ୍ତି । ତେବେ ବିଜେପିର ହାଇକମାଣ୍ଡ କାହାକୁ ରାଜ୍ୟର ଦାୟିତ୍ବ ଦେଉଛନ୍ତି ତାହା ଉପରେ ସମସ୍ତଙ୍କ ନଜର ରହିଛି ।