ଚନ୍ଦ୍ରଗ୍ରହଣରେ ହେତୁବାଦୀଙ୍କ ଖାଦ୍ୟ ବଣ୍ଟନକୁ ବିରୋଧ, ଘଟଣାସ୍ଥଳରେ ଉତ୍ତେଜନା

ବ୍ରହ୍ମପୁର: ଚନ୍ଦ୍ର ଗ୍ରହଣରେ ହେତୁବାଦୀଙ୍କ ସାମୁହିକ ଭୋଜନ ବିତରଣ କାର୍ଯ୍ୟକ୍ରମକୁ ବ୍ରହ୍ମପୁର ସହରରେ ତୀବ୍ର ବିରୋଧ କରାଯାଇଛି । ସହରର ହନୁମାନ ବଜାର ଛକ ନିକଟରେ ହେତୁବାଦୀ ସଙ୍ଗଠନ ପକ୍ଷରୁ ଖାଦ୍ୟ ବିତରଣ କରାଯିବାକୁ ପ୍ରସ୍ତୁତ ହେଉଥିବା ସ୍ଥାନରେ ବିଭିନ୍ନ ହିନ୍ଦୁ ସଙ୍ଗଠନ ବିରୋଧ ପ୍ରଦର୍ଶନ କରିଥିଲେ । ଗ୍ରହଣ ସମୟରେ ଆମିଷ ବିତରଣ କରାଯିବା ଘଟଣାକୁ ବିରୋଧ କରି ହେତୁବାଦୀ ସଙ୍ଗଠନ କର୍ମକର୍ତ୍ତାଙ୍କ ଉପରକୁ ଗୋବର ଫୋପାଡ଼ିବା ସହ ସେମାନଙ୍କ ବ୍ୟାନର ଚିରି ଖାଦ୍ୟ ବିତରଣ ସ୍ଥଳରେ ଭଙ୍ଗାରୁଜା କରିଥିଲେ । ତେବେ ଏଭଳି ଧର୍ମ ବିରୋଧୀ କାର୍ଯ୍ୟକ୍ରମକୁ ବିରୋଧ କରାଯିବ ବୋଲି ପୂର୍ବରୁ ମଧ୍ୟ ବଜରଙ୍ଗ ଦଳ, ବିଶ୍ବହିନ୍ଦୁ ପରିଷଦ ଓ ବ୍ରାହ୍ମଣ ପୁରୋହିତ ସମିତି ଚେତାବନୀ ଦେଇଥିଲେ । ଏନେଇ ଘଟଣାସ୍ଥଳରୁ ଅଧିକ ସୂଚନା ଦେଉଛନ୍ତି ଆମ ସମ୍ବାଦଦାତା ସମୀର ଆଚାର୍ଯ୍ୟ ।