ଚନ୍ଦ୍ରଭାଗା ବେଳାଭୂମିରେ ବାଲୁକା କଳା ପ୍ରଦର୍ଶନୀ

Sand Sculpture Exhibition: ପୁରୀ: ବଡଦିନ ଓ ନୂଆବର୍ଷ ଅବସରରେ ଚନ୍ଦ୍ରଭାଗା ବେଳାଭୂମିରେ ବାଲୁକା କଳା ପ୍ରଦର୍ଶନୀ । ବିଶ୍ୱ ଐତିହ୍ୟ କୋଣାର୍କ ଚନ୍ଦ୍ରଭାଗା ବେଳାଭୂମିରେ ବାଲୁକା ଶିଳ୍ପୀ ସରିତା ଗୋଛାୟତଙ୍କ  7 ଦିନିଆ ବାଲୁକା କଳା ପ୍ରଦର୍ଶନୀ ଉଦଘାଟିତ ହୋଇଯାଇଛି। କୋଣାର୍କ ଏନଏସି ଅଧ୍ୟକ୍ଷା ସଂଯୁକ୍ତା ତ୍ରିପାଠୀ, ନିର୍ବାହୀ ଅଧିକାରୀ ଶ୍ୱେତପଦ୍ମା ଧଳ ଅତିଥି ଭାବେ ଯୋଗଦେଇ ପାରମ୍ପରିକ ଭାବେ ଏହାକୁ ଉଦଘାଟିତ କରିଥିଲେ। ସରିତା ଓ ତାଙ୍କ ସାଥିଙ୍କ ମିଳିତ ଉଦ୍ୟମରେ ୩୦ ଫୁଟର ବାଲୁକା କଳା ନିର୍ମାଣ କରାଯାଇଛି । 

ଏହି ବାଲୁକାକଳା ଜରିଆରେ ସୂର୍ଯ୍ୟ ମନ୍ଦିରର କାରୁକାର୍ଯ୍ୟ ସହ ସଂସ୍କୃତି, ପରିବେଶ ସୁରକ୍ଷା ବାର୍ତ୍ତା ଦିଆଯାଇଥିବାବେଳେ ଅଲିଭ ରିଡ଼ଲେ କଇଁଛ, ଡଲଫିନମାନଙ୍କୁ କିପରି ଉପକୂଳରେ ସୁରକ୍ଷା ଦିଆଯିବ ସେନେଇ ବାଲୁକା ଚିତ୍ରକଳାରେ ଦର୍ଶାଇଛନ୍ତି । ତେବେ କୋଣାର୍କକୁ ବଡ ଦିନ ଓ ନବ ବର୍ଷ ଅବସରରେ ଅନେକ ପର୍ଯ୍ୟଟକ ଭ୍ରମଣ ପାଇଁ ଆସୁଥିବାବେଳେ ଏଠାରେ ଅଧିକ ସମୟ ବିତାଇବା ପାଇଁ ଏହି ବାଲୁକା ଚିତ୍ରକଳା ପ୍ରଦର୍ଶନୀର ଆୟୋଜନ କରଯାଇଛି। ଯାହାକି ଦେଶ ବିଦେଶର ପର୍ଯ୍ୟଟକମାନଙ୍କୁ ଆକୃଷ୍ଟ କରୁଛି।

ଇଟିଭି ଭାରତ, ପୁରୀ