Train Mishap In Odisha: ଭଗବାନ ବଞ୍ଚାଇ ଦେଲେ...

ବ୍ରହ୍ମପୁର: ଛାତିଥରା ବାଲେଶ୍ବର ବାହାନଗା ଟ୍ରେନ ଦୁର୍ଘଟଣାରେ ମୃତ୍ୟୁସଂଖ୍ୟା 288ରେ ପହଞ୍ଚିଛି । ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିବା ଯାତ୍ରୀଙ୍କୁ ଉଦ୍ଧାର କରାଯାଇ ସ୍ବତନ୍ତ୍ର ଟ୍ରେନ ଜରିଆରେ ଘରକୁ ପଠାଉଛି ରେଳ ବିଭାଗ । ଯେଉଁମାନେ ନିଜ ନିଜର ଘରକୁ ଫେରିବାକୁ ଚାହିଁଥିଲେ ସେମାନଙ୍କୁ ଭୁବନେଶ୍ୱର ଆଣି ଏକ ସ୍ୱତନ୍ତ୍ର ଟ୍ରେନ ଯୋଗେ ଚେନ୍ନାଇ ପର୍ଯ୍ୟନ୍ତ ଛାଡିବା ପାଇଁ ୨୯୦ ଜଣ ଯାତ୍ରୀଙ୍କୁ ନେଇ ଏହି ସ୍ୱତନ୍ତ୍ର ଟ୍ରେନ ବାହାରିଛି । ଏହି ଯାତ୍ରୀ ମାନଙ୍କ ମଧ୍ୟରେ କେତେକ ଆହତ ଯାତ୍ରୀ ଭୟଙ୍କର ଦୁର୍ଘଟଣା କିପରି ରହିଥିଲା ତାହା ବଖାଣିଛନ୍ତି । 

ଭୁବନେଶ୍ୱରରୁ ଚେହ୍ନାଇ ଅଭିମୁଖେ ବାହାରିଥିବା ଏହି ସ୍ୱତନ୍ତ୍ର ଟ୍ରେନ ବ୍ରହ୍ମପୁର ରେଳଷ୍ଟେସନରେ ପହଞ୍ଚିବା ପରେ ଆହତ ଯାତ୍ରୀ ଏବଂ ଉଦ୍ଧାର ଯାତ୍ରୀଙ୍କ ସହିତ ଆଲୋଚନା କରିଥିଲେ ଆମ ବ୍ରହ୍ମପୁର ସମ୍ୱାଦଦାତା ସମୀର ଆଚାର୍ଯ୍ୟ । ସେପଟେ ଯାତ୍ରୀଙ୍କୁ ଏହି ସମୟରେ ରେଳ ବିଭାଗ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଉଥିବା ବେଳେ କେଉଁ ଯାତ୍ରୀଙ୍କୁ ଚିକିତ୍ସା ଆବଶ୍ୟକ ରହିଥିଲେ ମଧ୍ୟ ତାହା ଯୋଗାଇ ଦିଆଯିବାକୁ ସଂପୂର୍ଣ୍ଣ ପ୍ରସ୍ତୁତ କରାଯାଇଥିବା କୁହାଯାଇଛି । ବ୍ରହ୍ମପୁର ରେଳଷ୍ଟେସନରେ ଏହି ପ୍ରଥମ ଉଦ୍ଧାର କରି ଘରକୁ ପଠାଯାଉଥିବା ଟ୍ରେନ ପହଞ୍ଚିବା ପରେ କଣ କହୁଛନ୍ତି କରମଣ୍ଡଳ ଟ୍ରେନରେ ଦୁର୍ଘଟଣା ସମୟରେ ଉପସ୍ଥିତ ରହିଥିବା ଯାତ୍ରୀ ଶୁଣନ୍ତୁ...