4 ଦଫା ଦାବି ପୂରଣ ନେଇ ଗର୍ଜିଲା କୃଷି କ୍ଷେତ୍ର କର୍ମଚାରୀ ସଂଘ

ବୌଦ୍ଧ: ଚାରି ଦଫା ପୂରଣ ନେଇ ଆନ୍ଦୋଳନ କୃଷି କ୍ଷେତ୍ର କର୍ମଚାରୀ ସଂଘ ଆନ୍ଦୋଳନକୁ ଓହ୍ଲାଇଛି । ବୌଦ୍ଧ ଜିଲ୍ଲାର 30ଜଣ ଭିଏଡବ୍ଲୁ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ସରକାର ଓ କୃଷକଙ୍କ ମଧ୍ୟରେ ସମନ୍ୱୟ ରକ୍ଷା କରି ସମସ୍ତ ଯୋଜନାକୁ ତଳ ସ୍ତରରେ ପହଞ୍ଚାଉଥିବା କୃଷି କ୍ଷେତ୍ର କର୍ମଚାରୀ ସଂଘ ବର୍ତ୍ତମାନ ବଡ ଆନ୍ଦୋଳନକୁ ଓହ୍ଲାଇବାକୁ ପ୍ରସ୍ତୁତି ଚଳାଇଛନ୍ତି । 

ବିଭିନ୍ନ ଦାବିକୁ ନେଇ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ଜିଲ୍ଲା କୃଷି ବିଭାଗ ଅଧିନରେ କାର୍ଯ୍ୟ କରୁଥିବା କ୍ଷେତ୍ର କର୍ମଚାରୀ ସଂଘ ବର୍ତ୍ତମାନ ଆନ୍ଦୋଳନ ପାଇଁ ସଜବାଜ ଆରମ୍ଭ କରିଛି । ଜିଲ୍ଲା କୃଷି ବିଭାଗରେ 30 ଜଣ ଭିଏଡବ୍ଲୁ କାର୍ଯ୍ୟ କରୁଛନ୍ତି । ଗ୍ରାମାଞ୍ଚଳ ସ୍ତରରେ ଚାଷୀମାନଙ୍କ ନିକଟରେ ବିହନ ଠାରୁ ନେଇ ସରକାରଙ୍କ ବିଭିନ୍ନ ଯୋଜନାକୁ ପହଞ୍ଚାଇବା ଦିଗରେ କୃଷି କ୍ଷେତ୍ର କର୍ମଚାରୀଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ଦୀର୍ଘ ବର୍ଷ ହେଲା ଉକ୍ତ ଭିଏଡବ୍ଲୁଙ୍କ ବିଭିନ୍ନ ଦାବିକୁ ସରକାର ଅଣଦେଖା କରୁଥିବା ନେଇ ଅଭିଯୋଗ କରିଛନ୍ତି ଭିଏଡବ୍ଲୁ ସଂଘର ସଦସ୍ୟ ।

ଇଟିଭି ଭାରତ, ବୌଦ୍ଧ