ମୃତଦେହକୁ ଡଙ୍ଗାରେ ନେଉଥିଲେ, ଚାହୁଁ ଚାହୁଁ ବୁଡିଗଲେ 8 ଜଣ; ଦେଖନ୍ତୁ ଛାତିଥରା ଦୃଶ୍ୟ

ଲକ୍ଷ୍ନୌ: ଉତ୍ତରପ୍ରଦେଶର ହମିରପୁର ଜିଲ୍ଲାରୁ ସାମନାକୁ ଆସିଛି ହୃଦୟ ବିଦାରକ ଦୃଶ୍ୟ। ଏକ ମୃତଦେହକୁ ଡଙ୍ଗା ମାଧ୍ୟମରେ ନେଉଥିବାବେଳେ ମଝି ନଈରେ ଡଙ୍ଗା ଓଲଟି ପଡିଥିବାର ଚିତ୍ର କଏଦ ହୋଇଛି। ଏହା ଯେତିକି ଭୟାନକ ସେତିକି ହୃଦୟ ବିଦାରକ ମଧ୍ୟ। କେନ୍ ନଦୀ ପାର୍ ହେଉଥିବା ସମୟରେ ହଠାତ୍ ଡଙ୍ଗା ଓଲଟି ପଡିବାରୁ ସେଥିରେ ଥିବା 8 ଜଣ ପାଣିରେ ପଡିଯାଇଛନ୍ତି।  

ସୂଚନା ଅନୁସାରେ ବେଜେମଓ ଗାଁର ଧନୀରାମ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା। ଧନୀରାମଙ୍କ ପୁଅ ମୋହନ, ଭଣଜାଙ୍କ ସମେତ 8ଜଣ ସମ୍ପର୍କୀୟ ତାଙ୍କ ମୃତଦେହକୁ ନଦୀ ଆରପଟକୁ ନେଉଥିବାବେଳେ ଭାରସାମ୍ୟ ହରାଇ ଡଙ୍ଗାଟି ଓଲଟି ପଡିଛି। ଫଳରେ 8ଜଣ ବୁଡି ଯାଉଥିବା ଦେଖି ପ୍ରତ୍ୟେକ୍ଷଦର୍ଶୀଙ୍କ ମଧ୍ୟରେ ଭୟ ସୃଷ୍ଟି ହୋଇଥିଲା।  

ତେବେ ସମସ୍ତଙ୍କୁ ପହଁରା ଜଣା ଥିବାରୁ 7ଜଣ ପହଁରି ପହଁରି ନଦୀ କୂଳକୁ ଆସିଥିଲେ। ହେଲେ ଧନୀରାମଙ୍କ ନାତୀକୁ ପହଁରିବା ଜଣା ନଥିବାରୁ ସେ ବୁଡିଯିବାକୁ ଲାଗିଥିଲା। ତାକୁ ମୃତ୍ୟୁ ମୁଖରୁ ସ୍ଥାନୀୟଲୋକେ ଉଦ୍ଧାର କରିଥିବା ଜଣାପଡିଛି। ଘଟଣା ପରେ ନଦୀ କୂଳରେ ଗ୍ରାମବାସୀଙ୍କ ଭିଡ଼ ଜମିଥିବା ମଧ୍ୟ ଦେଖିବାକୁ ମିଳିଥିଲା।