ଲକ୍ଷ୍ନୌ: ଉତ୍ତରପ୍ରଦେଶ ବାଗପଥରେ ବଡ ଧରଣର ଅଘଟଣ । ଧାର୍ମିକ ସମାରୋହ ଚାଲିଥିବା ବେଳେ ଭୁଶୁଡ଼ିଲା କାଠରେ ତିଆରି ଅସ୍ଥାୟୀ ଷ୍ଟେଜ । ଏଥିରେ ୭ ଜଣଙ୍କ ଜୀବନ ଯାଇଥିବା ବେଳେ ୧୦ରୁ ଅଧିକ ଆହତ ହୋଇଛନ୍ତି । ଆହତଙ୍କ ମଧ୍ୟରୁ କେତେକଙ୍କ ଅବସ୍ଥା ସଙ୍କଟାପନ୍ନ ରହିଛି । ଆହତମାନଙ୍କୁ ବିଭିନ୍ନ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ଧାର୍ମିକ ସମାରୋହରେ ଅଘଟଣ:
ଆଜି (ମଙ୍ଗଳବାର) ସକାଳ ୮ଟାରେ ବାଗପଥ ଜିଲ୍ଲା ଅନ୍ତର୍ଗତ ଶ୍ରୀ ଦିଗାମ୍ବର ଜୈନ ଡିଗ୍ରୀ କଲେଜ ପଡିଆରେ ଭଗବାନ ଆଦିନାଥଙ୍କ ଲଡ୍ଡୁ ମହୋତ୍ସବ କାର୍ଯ୍ୟକ୍ରମ ପାଇଁ ଏକ ବିଶାଳ କାଠ ଷ୍ଟେଜ ନିର୍ମାଣ କରାଯାଇଥିଲା । ୬୫ ଫୁଟ ଉଚ୍ଚର ଏହି ଷ୍ଟେଜ ଉପରେ ଭଗବାନଙ୍କ ମୂର୍ତ୍ତି ରଖାଯାଇଥିଲା । କାର୍ଯ୍ୟକ୍ରମ ସମୟରେ ଲୋକମାନେ ଷ୍ଟେଜକୁ ଲାଗିଥିବା ଏକ କାଠର ସିଡି ବାଟ ଦେଇ ଭଗବାନଙ୍କୁ ପ୍ରସାଦ ଚଢାଇବାକୁ ଉପରକୁ ଯାଉଥିଲେ ।
#WATCH | Uttar Pradesh: Arpit Vijayvargiya, SP Baghpat says, " watchtower collapsed during the 'laddu mahotsav' program of the jain community in baraut. about 20-25 people were injured. 2-3 people are seriously injured, who are undergoing treatment..." https://t.co/2Gix8vk7AH pic.twitter.com/CVEXMtYGPz
— ANI UP/Uttarakhand (@ANINewsUP) January 28, 2025
ଅସ୍ଥାୟୀ ଷ୍ଟେଜ ଭୁଶୁଡ଼ିଲା:
ଏମିତି ଘଟିଥିଲା ଅଘଟଣ । ଶ୍ରଦ୍ଧାଳୁମାନେ ଉପସ୍ଥିତ ଥିବାବେଳେ, ଏହି ସମୟରେ ସିଡ଼ି ଭାଙ୍ଗି ପଡ଼ିଥିଲା । ଯାହା ଫଳରେ ଶ୍ରଦ୍ଧାଳୁମାନେ ତଳେ ପଡ଼ି ଯାଇଥିଲେ । ଏହି ଅଘଟଣରେ ଏବେ ସୁଦ୍ଧା ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଆହତ ହୋଇଛନ୍ତି । ଅଘଟଣର ସୂଚନା ପାଇବା ପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ପୋଲିସ ଭିଡକୁ ନିୟନ୍ତ୍ରଣ କରିବା ସହ ଆହତମାନଙ୍କୁ ହସ୍ପିଟାଲ ନେଇଥିଲା ।
जनपद बागपत में दुर्भाग्यपूर्ण घटना में हुई जनहानि अत्यंत दुःखद है।
— Yogi Adityanath (@myogiadityanath) January 28, 2025
मेरी संवेदनाएं शोक संतप्त परिजनों के साथ हैं।
जिला प्रशासन के अधिकारियों को राहत कार्यों को तेजी से संचालित करने तथा घायलों के समुचित उपचार के निर्देश दिए हैं।
प्रभु श्री राम से प्रार्थना है कि दिवंगत आत्माओं…
ଅଘଟଣ ସମୟରେ ଉପସ୍ଥିତ ଥିଲେ ୫୦୦ରୁ ଅଧିକ ଶ୍ରଦ୍ଧାଳୁ:
ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, "ଏହି ମହୋତ୍ସବ ଦୀର୍ଘ ୨୫ ବର୍ଷ ହେଲା ଏଠାରେ ହୋଇଆସୁଛି । ପୋଲିସ ଘଟଣାର ତଦନ୍ତ ଜାରି ରଖିଛି । ଏହି ଅଘଟଣ ସମୟରେ ସେଠାରେ ୫୦୦ରୁ ଅଧିକ ଲୋକ ଉପସ୍ଥିତ ଥିଲେ ।"
ଏହାମଧ୍ୟ ପଢନ୍ତୁ... ପୁଷ୍ପକରୁ ଡେଇଁଲେ, ମାଡ଼ିଗଲା କର୍ଣ୍ଣାଟକ ଏକ୍ସପ୍ରେସ, ୧୩କୁ ବଢ଼ିଲା ମୃତ୍ୟୁସଂଖ୍ୟା |
ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ:
ଅନ୍ୟପଟେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । ଶୋକ ସନ୍ତପ ପରିବାର ବର୍ଗଙ୍କୁ ସମବେଦନା ଜଣାଇବା ସହ ଉଦ୍ଧାର କାର୍ଯ୍ୟକୁ ତ୍ୱରାନ୍ବିତ କରିବାକୁ ନିର୍ଦ୍ଦେଶ ଦେଇଛନ୍ତି । ଏହା ସହ ଆହତମାନଙ୍କୁ ଉଚିତ ଚିକିତ୍ସା ଯୋଗାଇ ଦେବା ପାଇଁ ନିର୍ଦ୍ଦେଶ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
