ପୌର ଫାଇଟ: କେନ୍ଦ୍ରାପଡ଼ା ୪ ନମ୍ବର ୱାର୍ଡରେ ବିଜେଡିର ଜୋରଦାର ପ୍ରଚାର

କେନ୍ଦ୍ରାପଡ଼ା: ପୌର ନିର୍ବାଚନ ପାଇଁ ପ୍ରଚାର ମୈଦାନକୁ ଓହ୍ଲାଇଛନ୍ତି ବିଜେଡିର ହେଭିୱେଟ । କେନ୍ଦ୍ରାପଡ଼ା ମ୍ୟୁନିସିପାଲିଟି ୪ ନମ୍ବର ୱାର୍ଡରୁ ବିଜେଡି ଟିକଟରେ କାଉନସିଲର ପ୍ରାର୍ଥିନୀ ହୋଇଛନ୍ତି ବିଜୟଲକ୍ଷ୍ମୀ ଜେନା । ତାଙ୍କ ପାଇଁ ଘରକୁ ଘର ବୁଲି ଭୋଟଭିକ୍ଷା କରିଛନ୍ତି କେନ୍ଦ୍ରାପଡ଼ାର ନବ ନିର୍ବାଚିତ ଜିଲ୍ଲା ପରିଷଦ ଅଧ୍ୟକ୍ଷା ଗୀତାଞ୍ଜଳୀ ସେଠୀ । ଜିଲ୍ଲା ବିଜୁ ଯୁବ ଜନତା ଦଳର ସଭାପତି ରାଜେଶ ଦାସ ମଧ୍ୟ ଲୋକଙ୍କୁ ଭୋଟ ଭିକ୍ଷା କରୁଛନ୍ତି । ୱାର୍ଡ ୪ରୁ ବିଜେଡି ଦଳୀୟ ପ୍ରାର୍ଥୀନିଙ୍କୁ ବିଜେପି, କଂଗ୍ରେସ ଦଳର ପ୍ରାର୍ଥୀନୀ କଡ଼ା ଟକ୍କର ଦେଉଛନ୍ତି । ବିଜୟଲକ୍ଷ୍ମୀଙ୍କ ଯୋଗୁଁ ବିଜେଡି ଟିକେଟରୁ ବଞ୍ଚିତ ହୋଇ ସ୍ୱାଧୀନ ଭାବେ ଲଢ଼ୁଥିବା ଶୁଭଶ୍ରୀ ନିବେଦିତା ଏବେ ମୁଣ୍ଡବିନ୍ଧାର କାରଣ ପାଲଟିଛନ୍ତି । କେନ୍ଦ୍ରାପଡ଼ା ମ୍ୟୁନିସିପାଲିଟିର ୨୧ଟି ୱାର୍ଡରେ କ୍ଲିନ୍‌ ସ୍ୱିପ୍‌ ଲକ୍ଷ୍ୟ ରଖିଛି ବିଜେଡି । ଏହି ୱାର୍ଡରେ ଦଳୀୟ ନେତୃତ୍ୱଙ୍କୁ ପ୍ରଚାର ଭାର ଦେଇଛି । ଡ୍ରେନେଜ ସମସ୍ୟା, ପାନୀୟଜଳ ସମସ୍ୟା ସମେତ ରହିଯାଇଥିବ ବହୁ ଅଧୁରା କାମକୁ ବିଜୟଲକ୍ଷ୍ମୀଙ୍କ ପୁରଣ କରିବେ ବୋଲି କହିଛନ୍ତି । ଦଳୀୟ ପ୍ରଚାର ସମୟରେ କଣ ରହିଛି ରଣନୀତି ଓ କାହା ସହ ବିଜେଡିର ହେବ ଟକ୍କର ସେନେଇ ଅଧିକ ଆଲୋଚନା କରିଛନ୍ତି ଆମ କେନ୍ଦ୍ରାପଡା ପ୍ରତିନିଧି ରାଧାକାନ୍ତ ମହାନ୍ତି