ସିଲଭର ସିଟିର ସଙ୍ଗୀନ ସ୍ଥିତି, ରାସ୍ତା ଉପରେ ଓ୍ବାଟରଫଲ୍ !

କଟକ: ରାସ୍ତାରେ ଫାଟିଲା ପାଣି ପାଇପ । ସୃଷ୍ଟି ହେଲା ଜଳ ପ୍ରପାତର ଭ୍ରମ । ଘେରି ବାଣ ଯେପରି ନିଆଁ ଲାଗିଲା ପରେ ତାହାର ଆକୃତି ପରିଵର୍ତନ କରିଥାଏ ସେହିପରି ଏହି ରାସ୍ତା ଉପରେ ପାଣି ହୋଇଛି ଉପର ମୁଁହା । ଗଛ ଉଚ୍ଚର ପାଣି ଉପରକୁ ଉଠୁଥିବା ହେତୁ ସ୍ଥାନୀୟ ଅଞ୍ଚଳରେ ଖେଳିଯାଇଛି ଭୟର ବାତାବରଣ । ଘଟଣାଟି ଘଟିଛି କଟକ ରାଜାବଗିଚା ଅଞ୍ଚଳର ସିଟି କଲେଜ ନିକଟ ରାସ୍ତାରେ । ତେବେ ଜଣାପଡୁଛି ପାଣି ପାଇପ ଫାଟି ଏପରି ଅବସ୍ଥା ହୋଇଛି । ଘଟଣା ସ୍ଥଳରେ ପିଡବ୍ଲୁଡି ବିଭାଗ ଅଧିକାରୀ ପହଞ୍ଚିଛନ୍ତି ଏବଂ ପାଣି ବନ୍ଦ କରିବା ପାଇଁ ଜାରି ରଖିଛନ୍ତି ପ୍ରୟାସ। କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ