ମୃତ ଛୁଆକୁ ଛାଡିବାକୁ ନାରାଜ ମା’ ହାତୀ, ଦେଖନ୍ତୁ ହୃଦୟବିଦାରକ ଦୃଶ୍ୟ

ଥିରୁଅନନ୍ତପୁରମ: ପଶୁ ହେଲେ ବି ତାଙ୍କର ହୃଦୟ ଅଛି । ଜଣଙ୍କ ପାଇଁ ଅନ୍ୟଜଣର ହୃଦୟ କାନ୍ଦେ । କେରଳର ପାଲାକ୍କଡା ଜିଲ୍ଲାରେ ଏପରି କିଛି ଚିତ୍ର ସାମନାକୁ ଆସିଛି ଯାହାକୁ ଦେଖିଲେ ଆଖିରେ ଲୁହ ଆସିଯିବ । ବିଦ୍ୟୁତ୍‌ ଆଘାତରେ ଗୋଟିଏ ଛୁଆ ହାତୀର ମୃତ୍ୟୁ ହୋଇଛି । ତାକୁ ଉଠାଇବା ପାଇଁ ଉଦ୍ୟମ କରିଛି ଆଉ ଏକ ହାତୀ । ଦୀର୍ଘ ସମୟ ଧରି ସେ ମୃତହାତୀକୁ ଉଠାଇବାକୁ ଚେଷ୍ଟା ଚଳାଇଛି । ବନ ବିଭାଗ ହାତୀର ମୃତଦେହ ଉଦ୍ଧାର କରିବାକୁ ବହୁତ ସମୟ ଅପେକ୍ଷା କରିଥିଲେ ମାତ୍ର ହାତୀଟି ସେ ସ୍ଥାନକୁ କାହାକୁ ଛାଡି ନଥିଲା ।