ରାସ୍ତା ପାରିହେବା ବେଳେ ଦୁଇ ଯୁବତୀଙ୍କ ଉପରେ ମାଡିଗଲା ପୋଲିସ ଗାଡି, ଦେଖନ୍ତୁ ଭିଡିଓ

ଭୟଙ୍କର ଦୃଶ୍ୟ । ଚାହୁଁ ଚାହୁଁ ଦୁଇ ଝିଅଙ୍କ ଉପରେ ଚଢିଗଲା ଗାଡି । ଦୁର୍ଘଟଣା ଘଟାଇଥିବା ଗାଡିଟି ଜଣେ ପୋଲିସ ଅଧିକାରୀଙ୍କର ବୋଲି ଜଣାପଡିଛି। ପଞ୍ଜାବ ଜଳନ୍ଧରରେ ଘଟିଛି ଏହି ଦୁର୍ଘଟଣା । ସ୍ଥାନୀୟ କାର ଶୋରୁମରେ ନବଜୋତ କୌର ଓ ମମତା କୌର କାର୍ଯ୍ୟ କରନ୍ତି । ଜଳନ୍ଧର-ଫାଗୱାର ଜାତୀୟ ରାଜପଥରେ ରାସ୍ତା ପାରି ହେବା ସମୟରେ ଦୁଇଜଣଙ୍କ ଉପରେ ଇନସପେକ୍ଟର ଅମିତ ପାଲ ସିଂ ଗାଡି ଚଢାଇ ଦେଇଥିବା ସୂଚନା ମିଳିଛି। ଦୁର୍ଘଟଣାରେ ନବଜୋତଙ୍କର ମୃତ୍ୟୁ ହୋଇଥିବାବେଳେ ମମତା ଗୁରୁତର ଆହତ ହୋଇଛନ୍ତି। ଘଟଣାର ସମସ୍ତ ଦୃଶ୍ୟ ସିସିଟିଭ କ୍ୟାମେରାରେ କଏଦ ହୋଇଛି। ଦୁର୍ଘଟଣାରେ ମୃତକଙ୍କ ପରିବାର ରାସ୍ତା ଅବରୋଧ କରି ବିକ୍ଷୋଭ କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।