ବାଲେଶ୍ଵର ପୋଲିସ ଜାରି କଲା ସଚେତନତା ଭିଡିଓ

ବାଲେଶ୍ଵର: କୋରୋନା ମୁକାବିଲା ପାଇଁ ଏବେ ଦେଶସାରା ଲକଡାଉନ । ଲୋକଙ୍କୁ ସଚେତନ କରାଇବା ପାଇଁ ପୋଲିସ ଦିନରାତି କର୍ତ୍ତବ୍ୟ କରୁଥିବା ବେଳେ ଅତ୍ୟାବଶକୀୟ କାମ ନଥିଲେ ଘରୁ ନବାହାରିବା ପାଇଁ ପରାମର୍ଶ ଦିଆଯାଇଛି । ମାତ୍ର ଅନେକ ସ୍ଥାନରେ ଲୋକମାନେ ଲକଡାଉନ ନିୟମ ମାନୁ ନଥିବା ନଜର ଆସିଥିଲା । ଲୋକମାନଙ୍କୁ ସଚେତନ କରାଇବା ଉଦ୍ଦେଶ୍ୟରେ ବାଲେଶ୍ଵର ପୋଲିସ ପ୍ରଶାସନ ଏକ ଭିଡିଓ ଜାରି କରିଛି । ଯେଉଁଥିରେ ପୋଲିସର ପରିଶ୍ରମ ସାଙ୍ଗକୁ ଅତ୍ୟାବଶକୀୟ ସାମଗ୍ରୀ ନେବାବେଳେ ସାମାଜିକ ଦୂରତା, ମାସ୍କ ପିନ୍ଧିବା, ହାତ ଧୋଇବା ଭଳି ସଚେତନତା ମୂଳକ ଚିତ୍ର ପ୍ରଦର୍ଶନ କରାଯାଇଛି ।