ବାବା ମହାକାଳେଶ୍ବରଙ୍କ ଶରଣରେ ଅଭିନେତ୍ରୀ ମାହିରା ଶର୍ମା

Mahira Sharma Visits Mahakaleshwar Temple: ଭୋପାଳ: ପ୍ରାୟତଃ ସେଲିବ୍ରିଟି ଏବଂ ଅନେକ ବଡ଼ ବଡ଼ ନେତା, ଶିଳ୍ପପତି, ଉଜ୍ଜୈନ ସ୍ଥିତ ମହାକାଳେଶ୍ବର ମନ୍ଦିର ପରିଦର୍ଶନ କରୁଥିବା ନଜର ଆସିଥାନ୍ତି । ଏହି କ୍ରମରେ ବର୍ତ୍ତମାନ ଲୋକପ୍ରିୟ ଟିଭି ଅଭିନେତ୍ରୀ ତଥା ମଡେଲ ମାହିରା ଶର୍ମା ବାବା ମହାକାଳେଶ୍ବରଙ୍କ ଦର୍ଶନ କରିଛନ୍ତି । ଅଭିନେତ୍ରୀ ବାବାଙ୍କ ଭସ୍ମ ଆଳତୀ ସମୟରେ ସାମିଲ ହୋଇ ପୂଜାର୍ଚ୍ଚନା କରିଛନ୍ତି । ସେ ପ୍ରାୟ ୨ ଘଣ୍ଟା ଯାଏଁ ମନ୍ଦିରରେ ସମୟ ବିତାଇଛନ୍ତି । ସେ ବାବାଙ୍କ ଦର୍ଶନ କରି ବେଶ ଖୁସିବ୍ୟକ୍ତ କରିଛନ୍ତି । ଗଣମାଧ୍ୟମକୁ ପ୍ରତିକ୍ରିୟା ଦେଇ ମାହିରା କହିଛନ୍ତି ଯେ, ଆଜି ବାବା ମହାକାଳଙ୍କ ଦର୍ଶନ କରି ବହୁତ ଭଲ ଲାଗୁଛି ।  

ଏହା ମଧ୍ୟ ପଢନ୍ତୁ: କାଶ୍ମୀରରେ ପହଞ୍ଚିଲେ ମାହିରା, ବଖାଣିଲେ ମନ କଥା

ମାହିରାଙ୍କ ବିଷୟରେ କହିବାକୁ ଗଲେ, ସେ ହିନ୍ଦୀ ଭାଷାଭାଷୀ ଫିଲ୍ମ, ଅନେକ ଟିଭି ଧାରାବାହିକରେ ଅଭିନୟ କରିଛନ୍ତି । ସେ ରିଆଲିଟି ଶୋ' ବିଗ ବସ୍ ୧୩ରେ ପ୍ରତିଯୋଗୀ ଭାବେ ମଧ୍ୟ ନଜର ଆସିଥିଲେ । ମାହିରା ୫୦ରୁ ଅଧିକ ମ୍ୟୁଜିକ ଭିଡିଓରେ କାମ କରିଛନ୍ତି । ୟାରୋଁ କି ଟସନି, ନାଗିନ ୩, କୁଣ୍ଡଳି ଭାଗ୍ୟ, ବେପନହା ଫ୍ୟାର ଭଳି ଅନେକ ଟିଭି ଧାରାବାହିକରେ ଅଭିନୟ କରି ଲୋକପ୍ରିୟତା ହାସଲ କରିଛନ୍ତି ।