Ganeshotsav 2023: ପୁଅ ଅବରାମଙ୍କ ସହ ଲାଲବାଗ ରାଜାଙ୍କ ଦର୍ଶନ କଲେ କିଙ୍ଗଖାନ

ମୁମ୍ବାଇ: ଶାହାରୁଖ ଖାନ ବର୍ତ୍ତମାନ ରିଲିଜ ହୋଇଥିବା ଫିଲ୍ମ ଜବାନର ସଫଳତାକୁ ଉପଭୋଗ କରୁଛନ୍ତି । ଫିଲ୍ମ ଭାରତରେ 500 କୋଟିରୁ ଅଧିକ ଆୟ କରିଥିବା ବେଳେ ବିଶ୍ବରେ 1000 ପାଖାପାଖି ଆୟ କଲାଣି । ଏହାରି ମଧ୍ୟରେ ଶାହାରୁଖ ଗଣପତି ବାପ୍ପାଙ୍କ ଆଶୀର୍ବାଦ ପାଇବା ପାଇଁ ମୁମ୍ବାଇର ପ୍ରସିଦ୍ଧ ଲାଲବାଗ ରାଜାଙ୍କ ପରିଦର୍ଶନ କରିଛନ୍ତି । ଏହି ଅବସରରେ ତାଙ୍କ ସହ ପୁଅ ଅବରାମ ଏବଂ ମ୍ୟାନେଜର ପୂଜା ଦଦଲାନୀ ମଧ୍ୟ ସାମିଲ ହୋଇଥିଲେ । ଏହି ସମୟର ଅନେକ ଭିଡିଓ ଏବଂ ଫଟୋ ଭାଇରାଲ ହେବାରେ ଲାଗିଛି । ଶାହାରୁଖ ଖାନ ହ୍ବାଇଟ ସାର୍ଟ ବ୍ଲୁ ପ୍ୟାଣ୍ଟରେ ନଜର ଆସିଥିବା ବେଳେ ଅବରାମ ଲାଲ ରଙ୍ଗର କୁର୍ତ୍ତାରେ ଖୁବ ସୁନ୍ଦର ଦେଖାଯାଉଥିଲେ । ପୂର୍ବରୁ ଶାହାରୁଖ ନିଜ ଘରେ ଗଣପତିଙ୍କୁ ସ୍ବାଗତ କରି ଏକ୍ସରେ ଏକ ମଜାଳିଆ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଗଣେଶ ପୂଜାର ଶୁଭେଚ୍ଛା ଜଣାଇଥିଲେ । ଲେଖିଥିଲେ, ବାପ୍ପାଙ୍କୁ ସ୍ବାଗତ । ସମସ୍ତଙ୍କୁ ଶୁଭେଚ୍ଛା । ଭଗବାନ ଗଣେଶ ଆମ ସମସ୍ତଙ୍କୁ ଖୁସି, ଜ୍ଞାନ, ଉତ୍ତମ ସ୍ୱାସ୍ଥ୍ୟ ଏବଂ ଅନେକ ମୋଦକ୍ ଖାଇବାକୁ ଆଶୀର୍ବାଦ କରନ୍ତୁ । ପରେ ନୀତା ଅମ୍ବାନୀଙ୍କ ଗଣେଶ ଚତୁର୍ଥୀ ଉତ୍ସବରେ ମଧ୍ୟ ଶାହାରୁଖଙ୍କୁ ଦେଖିବାକୁ ମିଳିଥିଲା। ଏହି ସମୟରେ ସେ ସପରିବାର ସହ ଏଠାରେ ଯୋଗ ଦେଇଥିଲେ।

ଏହା ମଧ୍ୟ ପଢନ୍ତୁ: ନୀତା ଅମ୍ବାନୀଙ୍କୁ ଆଲିଙ୍ଗନ କଲେ ଶାହାରୁଖ, ଏମିତି ପ୍ରତିକ୍ରିୟା ଦେଲେ ଫ୍ୟାନ୍ସ