ଗୋଆରେ IFFI ଆରମ୍ଭ: ରେଡ୍‌ କାର୍ପେଟରେ ଜଲଓ୍ବା ଦେଖାଇଲେ ସେଲିବ୍ରିଟି

ଗୋଆରେ ନଭେମ୍ବର ୨୦ରୁ ୫୩ତମ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (IFFI) ଆରମ୍ଭ ହୋଇଯାଇଛି । କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂ ଠାକୁର, ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀ ଇନଡୋର ଷ୍ଟାଡିୟମରେ ଏହି ଉତ୍ସବର ଉଦଘାଟନ କରିଛନ୍ତି । ଆସନ୍ତା ୨୮ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ମହୋତ୍ସବରେ ୭୯ଟି ଦେଶର ୨୮୦ଟି ଚଳଚ୍ଚିତ୍ର ପ୍ରଦର୍ଶିତ ହେବ । ଭାରତର ୨୫ଟି ଫିଚର ଫିଲ୍ମ ଏବଂ ୨୦ଟି ଅଣ-ଫିଚର ଫିଲ୍ମ 'ଇଣ୍ଡିଆନ୍ ପାନୋରମା'ରେ ପ୍ରଦର୍ଶିତ ହେବ ଏବଂ ୧୮୩ଟି ଚଳଚ୍ଚିତ୍ର ଅନ୍ତର୍ଜାତୀୟ ପ୍ରୋଗ୍ରାମିଂର ଏକ ଅଂଶ ହେବ ।