Delhi Metro: ଦିଲ୍ଲୀ ମେଟ୍ରୋରେ 2 ଯୁବତୀଙ୍କ ପୋଲ ଡ୍ୟାନ୍ସ ଭିଡିଓ ଭାଇରାଲ, ଲୋକେ କହିଲେ ଏମିତି

ନୂଆ ଦିଲ୍ଲୀ: ଦିଲ୍ଲୀର ଲାଇଫ୍ ଲାଇନ୍ କୁହାଯାଉଥିବା ମେଟ୍ରୋ ଆଜିକାଲି ଯୁବକ ଓ ଯୁବତୀଙ୍କ ପାଇଁ ଆପତ୍ତିଜନକ କାମ ଏବଂ ରିଲ ତିଆରି କରିବାର ଆଡ୍ଡା ହୋଇଗଲାଣି। DMRCର ବାରମ୍ବାର ଚେତାବନୀ ସତ୍ତ୍ବେ ମେଟ୍ରୋରେ ଯାତ୍ରୀ ନିୟମ ଉଲ୍ଲଂଘନ କରୁଛନ୍ତି। ଏବେ ପୁଣି ଥରେ ଆଉ ଏକ ଭିଡିଓ ଆସିଛି। ଯେଉଁଥିରେ ଦୁଇ ଯୁବତୀମେଟ୍ରୋ ଭିତରେ ପୋଲ ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ତାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଦୁଇଜଣ ଯୁବତୀ ପାର୍ବିନ ବାବି ଏବଂ ଶଶି କପୁରଙ୍କ ଅଭିନୀତ ସୁହାଗ ଫିଲ୍ମରୁ 'ମେ ତୁ ବେଗର ହୁଁ' ଗୀତରେ ପୋଲ ଡ୍ୟାନ୍ସ କରୁଥିବାର ନଜର ଆସିଛନ୍ତି। ଏହି ଭିଡିଓ ପୁଣି ଭାଇରାଲ ହୋଇଛି। 

ଏହି ଭିଡିଓ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି। ବର୍ତ୍ତମାନ ସୁଦ୍ଧା, ଭିଡିଓରେ ନୃତ୍ୟ କରୁଥିବା ମହିଳାମାନେ କିଏ, ତାହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। ଅନ୍ୟପକ୍ଷରେ, ଦିଲ୍ଲୀ ମେଟ୍ରୋର ଆଉ ଏକ ଭିଡିଓ ଆଜି ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ଟ୍ରାନ୍ସଜେଣ୍ଡର ମେଟ୍ରୋ କୋଚ ଭିତରେ ଥିବା ମେଟ୍ରୋ ଯାତ୍ରୀ ଝିଅଠାରୁ ଟଙ୍କା ମାଗୁଥିବାର ନଜର ଆସିଥିଲେ। ଏହି ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି ଏବଂ ଦିଲ୍ଲୀ ମେଟ୍ରୋକୁ ଟ୍ୟାଗ୍ କରି ଲୋକମାନେ ପ୍ରତିକ୍ରିୟା ଦେଇଥିଲେ। ୟୁଜର୍ସ ମାନେ DMRCକୁ ଟ୍ୟାଗ୍ କରିଥିଲେ ଏବଂ ଲେଖିଥିଲେ ଯେ DMRC ଧ୍ୟାନ ଦେବା ଉଚିତ ଯେ ଆମେ କୌଣସି ସ୍ଥାନୀୟ ଟ୍ରେନ୍ କିମ୍ବା ବସ୍ ରେ ଯାତ୍ରା କରୁନାହୁଁ। ଏଥିସହ DMRC କୁ ଯାତ୍ରୀଙ୍କ ନିରାପତ୍ତାକୁ ସୂଚାଇ କହିଥିଲେ ଯେ ଯାତ୍ରା ସମୟରେ ଏପରି ଘଟଣା ଘଟିବା କୌଣସି ପ୍ରକାରେ ଗ୍ରହଣୀୟ ନୁହେଁ। ତେବେ ଏଭଳି ବାରମ୍ବାର ମେଟ୍ରୋରେ ଭିଡିଓ ଭାଇରାଲ ହେଉଥିବା ନେଇ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଛି।