69th National Film Awards: ଆଲିଆ-କ୍ରିତିଙ୍କୁ ଶ୍ରେଷ୍ଠ ଅଭିନେତ୍ରୀ, ଅଲ୍ଲୁ ଅର୍ଜୁନ ପାଇଲେ ଶ୍ରେଷ୍ଠ ଅଭିନେତା ଆୱାର୍ଡ

ନୂଆଦିଲ୍ଲୀ: ନୂଆଦିଲ୍ଲୀରେ ଆୟୋଜିତ 69 ତମ ଜାତୀୟ ଚଳଚ୍ଚିତ୍ର ପୁରସ୍କାର କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବିଜେତାଙ୍କୁ ସମ୍ମାନିତ କରିଛନ୍ତି । ଏହି ଅବସରରେ ସାଉଥ ଅଭିନେତା ଅଲ୍ଲୁ ଅର୍ଜୁନଙ୍କୁ ଫିଲ୍ମ ପୁଷ୍ପା ପାଇଁ ଶ୍ରେଷ୍ଠ ଅଭିନେତା ପୁରସ୍କାର ପ୍ରଦାନ କରାଯାଇଛି । ସେହିପରି ଶ୍ରେଷ୍ଠ ଅଭିନେତ୍ରୀ ଭାବେ 'ଗଙ୍ଗୁବାଇ କାଠିଆୱାଡି' ଏବଂ 'ମିମି' ପାଇଁ ଶ୍ରେଷ୍ଠ ଅଭିନେତ୍ରୀ ଭାବେ ଆଲିଆ ଭଟ୍ଟ ଏବଂ କ୍ରିତି ସାନନଙ୍କୁ ପୁରସ୍କାର ପ୍ରଦାନ କରାଯାଇଛି । ସେହିପରି ମିମି ପାଇଁ ଶ୍ରେଷ୍ଠ ସହ ଅଭିନେତା ଭାବେ ପଙ୍କଜ ତ୍ରିପାଠୀଙ୍କୁ ଜାତୀୟ ପୁରସ୍କାର ମିଳିଛି । ସେପଟେ ଶ୍ରେଷ୍ଠ ସହ ଅଭିନେତ୍ରୀ ଭାବେ କାଶ୍ମୀର ଫାଇଲ ପାଇଁ ପଲ୍ଲଭି ଯୋଶୀଙ୍କୁ ଏବଂ ଜାତୀୟ ଚଳଚ୍ଚିତ୍ର ପୁରସ୍କାରରେ 'ଇରାଭିନ ନିଜାଲ' ଚଳଚ୍ଚିତ୍ରରୁ 'ମାୟାଭା ଚାୟାଭା' ଗୀତ ପାଇଁ ଶ୍ରେୟା ଘୋସାଲ ଶ୍ରେଷ୍ଠ ମହିଳା ପ୍ଲେବ୍ୟାକ୍ ଗାୟକ ପୁରସ୍କାର ପାଇଛନ୍ତି । ଏହି ଅବସରରେ ଅଲ୍ଲୁ ଏବଂ ପଙ୍କଜଙ୍କୁ କ୍ରିମ ରଙ୍ଗର କୁତ୍ରା ପାଇଜାମାରେ ଦେଖିବାକୁ ମିଳିଥିବା  ବେଳେ କ୍ରିତିଙ୍କୁ କ୍ରିମ ରଙ୍ଗର ଶାଢୀ ଏବଂ ଆଲିଆଙ୍କୁ ତାଙ୍କ ବିବାଦ ଦିନର କ୍ରିମ ରଙ୍ଗର ଶାଢୀ ପିନ୍ଧିଥିବା ଦେଖିବାକୁ ମିଳିଛି । ସେପଟେ ପଲ୍ଲଭି ଯୋଶୀଙ୍କ ବ୍ଲାକ ଶାଢୀ ଏବଂ ମେରୁନ ରଙ୍ଗର ଶାଢୀରେ ଶ୍ରୀୟା ଘୋସାଲ ନଜର ଆସିଛନ୍ତି । 

ଏହା ମଧ୍ୟ ପଢନ୍ତୁ: '777 ଚାର୍ଲି' ପାଇଁ ରକ୍ଷସିତ ଶେଟ୍ଟୀଙ୍କୁ ଶ୍ରେଷ୍ଠ କନ୍ନଡ ଚଳଚ୍ଚିତ୍ର ପୁରସ୍କାର