ରାଜଧାନୀରେ ଅନଲାଇନ ମାଧ୍ୟମରେ ମା'ଙ୍କୁ ଦର୍ଶନ କରିବେ ଭକ୍ତ

ଭୁବନେଶ୍ବର: କୋଭିଡ କଟକଣା ମଧ୍ୟରେ ଆଡମ୍ବର ଶୂନ୍ୟ ହେବ ମା'ଙ୍କ ପୂଜା । ରାଜଧାନୀରେ ଛୋଟ ବଡ ମିଶାଇ ମୋଟ 170ଟି ମେଢ଼ ରହିଥିବାବେଳେ ଦେଖିବାକୁ ମିଳିବନି ଆଗଭଳି ଲୋକଙ୍କ ଗହଳି ଚହଳି... କି ଶୁଭିବନି ଡିଜେ ସାଉଣ୍ଡ । ବିନା ଭକ୍ତରେ ପୂଜା ପାଇବେ ମା' । ରାଜଧାନୀରେ କଡାକଡି ହୋଇଛି କୋଭିଡ କଟକଣା । ମଣ୍ଡପରେ ଦେଖିବାକୁ ମିଳିବନି 7 ରୁ ଅଧିକ ଲୋକ । କଟକଣା ନେଇ ଭକ୍ତଙ୍କ ମନ ଦୁଃଖ ଥିବାବେଳେ ପ୍ରତିଟି ଭକ୍ତ କିପରି ମା'ଙ୍କ ଦର୍ଶନ ପାଇ ପାରିବେ ସେନେଇ ଆୟୋଜନ କରିଛନ୍ତି ପୂଜା କମିଟି । ଏଥର ଅନଲାଇନରେ ଦର୍ଶନ କରିବେ ଭକ୍ତ । ଖାଲି ଦର୍ଶନ ନୁହେଁ ପ୍ରସାଦ ବଣ୍ଟନର ମଧ୍ୟ ରହିଛି ବ୍ୟବସ୍ଥା ।