Panchayat Poll: ଭୋଟ ହାତେଇବା ପାଇଁ ପ୍ରାର୍ଥୀଙ୍କ ହାଇଭୋଲଟେଜ ପ୍ରଚାର

ବ୍ରହ୍ମପୁର : ନିଜ ପଞ୍ଚାୟତରେ ରହିଛି ଅନେକ ସମସ୍ୟା। ସ୍ବାସ୍ଥ୍ୟ କେନ୍ଦ୍ର ରହିଛି ହେଲେ ଡାକ୍ତରଙ୍କ ରହିଛି ଅଭାବ । ରାସ୍ତା ଠାରୁ ଆରମ୍ଭ କରି ଚାଷ ଜମିରେ ଜଳସେଚନର ଭଳି ରହିଛି ଅନେକ ସମସ୍ୟା । ଗଞ୍ଜାମ ଜିଲ୍ଲାର ଛତ୍ରପୁର ବ୍ଳକର ବଉଳଗା ପଞ୍ଚାୟତରେ ଉଚ୍ଚଶିକ୍ଷିତ ଯୁବକ ସୁରେଶ ଚନ୍ଦ୍ର ମିଶ୍ର ସମିତି ସଭ୍ୟା ପ୍ରାର୍ଥୀ ହୋଇ ନିର୍ବାଚନ ଲଢୁଛନ୍ତି । ନିଜ ପଞ୍ଚାୟତରେ ଜଳସେଚନ ଠାରୁ ସ୍ବାସ୍ଥ୍ୟ ସୁବିଧା ଯୋଗାଇବା ପ୍ରତିଶୃତି ଦେଇ ନିର୍ବାଚନୀ ବୈତରଣୀ ପାର ହେବାକୁ କରୁଛନ୍ତି ପ୍ରଚାର । ରାଜ୍ୟ ତଥା କେନ୍ଦ୍ର ସରକାରଙ୍କ ଯୋଜନା ସାଧାରଣ ଜନତାଙ୍କ ନିକଟରେ ପହଞ୍ଚିବା ବେଳକୁ ବାଟମାରଣା ହେଉଥିବା କହିଛନ୍ତି । ନିଜର ପ୍ରଚାର କରୁଥିବା ବଉଳଗା ପଞ୍ଚାୟତରେ ସମିତିସଭ୍ୟା ପ୍ରାର୍ଥୀଙ୍କ ସହ ଅଧିକ ଆଲୋଚନା କରିଛନ୍ତି ଆମ ବ୍ରହ୍ମପୁର ସମ୍ବାଦଦାତା ସମୀର ଆଚାର୍ଯ୍ୟ । ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ