ନୂଆ ବର୍ଷରେ ମା ବିରଜାଙ୍କ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ

ଯାଜପୁର: ଆଜି ଇଂରାଜୀ ନବ ବର୍ଷ । କୋଭିଡ ପାଇଁ କିଛି ସ୍ଥାନରେ ନୂଆବର୍ଷ ଫିକା ପଡିଛି । ହେଲେ ନୂଆବର୍ଷ ଅବସରରେ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଲାଗିଛି। ସକାଳୁ ସକାଳୁ ମାଙ୍କୁ ଦର୍ଶନ କରି ଶ୍ରଦ୍ଧାଳୁ ବର୍ଷର ପ୍ରଥମ ସକାଳ ଆରମ୍ଭ କରୁଛନ୍ତି। ଅନେକ ସ୍ଥାନରେ କୋଭିଡ ପାଇଁ ମନ୍ଦିର ବନ୍ଦ ରହିଥିବାବେଳେ କୋଭିଡ କଟକଣା ମଧ୍ୟରେ ମାଙ୍କ ଦର୍ଶନ କରାଯାଉଛି। ସୁରକ୍ଷା ପାଇଁ ପୁଲିସ ମୁତୟନ କରାଯାଇଛି। ଦିନ ବଢିବା ସହ ଶ୍ରଦ୍ଧାଳୁଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି। ଦୁଇ ବର୍ଷ ପରେ ଆଜି(ଶନିବାର) ନବବର୍ଷରେ ମା ବିରଜାଙ୍କ ଦର୍ଶନ ଭକ୍ତମାନ କରିଛନ୍ତି । ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ