ବିଜେଡି ପୌରାଧ୍ୟକ୍ଷଙ୍କ କବ୍ଜାରେ ଝାରସୁଗୁଡ଼ା ଓ ବ୍ରଜରାଜନଗର

ଝାରସୁଗୁଡା : ଝାରସୁଗୁଡା ପୌର ପରିଷଦ ନିର୍ବାଚନ ଝାରସୁଗୁଡା ଇଂଜିନିୟରିଂ ସ୍କୁଲରେ ଭୋଟ ଗଣତି ହୋଇଛି । ବିଜେଡ଼ିର ରାଣୀ ହାତୀ ୬୧୪୫ ଖଣ୍ଡ ଭୋଟରେ ବିଜୟିନୀ ହୋଇଛନ୍ତି । ଝାରସୁଗୁଡ଼ା ପୌର ପରିଷଦର ମୋଟ ୨୪ଟି ଓ୍ବାର୍ଡରେ ବିଜେଡି ଅଧକ୍ଷ ପ୍ରାର୍ଥୀନୀ ରାଣୀ ହାତୀ ବିଜୟିନୀ ହୋଇଛନ୍ତି। ଆଜି ସକାଳ ୮ଟାରୁ ଆରମ୍ଭ ହୋଇଥିଲା ଭୋଟ ଗଣତି। ଜିଲ୍ଲା ପ୍ରଶାସନ ପକ୍ଷରୁ ବିଭିନ୍ନ ପ୍ରକାର ସହାୟତା କରାଯାଇଥିବା ବେଳେ, ଜିଲ୍ଲା ପୋଲିସ ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଇଥିଲା। ଝାରସୁଗୁଡ଼ା ପୌର ପରିଷଦରେ ବିଜେଡ଼ିର ୨୧ଜଣ କାଉନସିଲର ପ୍ରାର୍ଥୀ ବିଜୟୀ ହୋଇଥିବା ବେଳେ ବିଜେପିର ୩ଜଣ କାଉନସିଲର ପ୍ରାର୍ଥୀ ବିଜୟୀ ହୋଇଛନ୍ତି। ଝାରସୁଗୁଡ଼ାରୁ ଗୁରୁଚରଣ ବାଘ,ଇଟିଭି ଭାରତ