Last Day Campaign: ସତ୍ୟବାଦୀରେ ପ୍ରଚାର ମଙ୍ଗ ଧରିଛନ୍ତି ବିଜେଡି ବିଧାୟକ

ପୁରୀ: ଆସନ୍ତା 20 ତାରିଖରେ ତୃତୀୟ ପର୍ଯ୍ୟାୟ ପଞ୍ଚାୟତ ନିର୍ବାଚନ । ଆଜି(ଶୁକ୍ରବାର) ପ୍ରଚାର ଶେଷ ଦିନ । ଏଥିପାଇଁ ପ୍ରଚାରରେ କମ୍ପୁଛି ପ୍ରତି ଗାଁ । ତୃତୀୟ ପର୍ଯ୍ୟାୟ ମତଦାନରେ ପୁରୀ ଜିଲ୍ଲା ସଦର ଓ ସତ୍ୟବାଦୀ ବ୍ଳକରେ ନିର୍ବାଚନ ହେବ। ଆରମ୍ଭରୁ ଶେଷ ଯାଏଁ ବିଜେଡି଼ ପ୍ରଚାରର ମଙ୍ଗ ଧରିଥିଲେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତ ରାୟ । ନିଜେ ବାଇକରେ ଗାଁ ଗାଁ ବୁଲି ବିଜେଡିର ଜିଲ୍ଲା ପରିଷଦ ପ୍ରାର୍ଥୀ ଓ ବିଜେଡି ସମର୍ଥିତ ସରପଞ୍ଚ, ସମିତି ସଭ୍ୟ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ମୂଳକ କାର୍ଯ୍ୟ ଓ ତାଙ୍କ ଲୋକପ୍ରିୟତା ଯୋଗୁଁ ସତ୍ୟବାଦୀରେ ବିଜେଡି଼ ବିପୁଳ ବିଜୟ ହାସଲ କରିବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ