ତାମିଲନାଡୁର ପାରମ୍ପରିକ ନୃତ୍ୟରେ ନାଚିଲେ ସ୍ମୃତି, ଭିଡିଓ ଭାଇରାଲ

ଚେନ୍ନାଇ: ତାମିଲନାଡୁରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ନିର୍ବାଚନୀ ସଭା ପାଇଁ ରାଜ୍ୟରେ ପହଞ୍ଚିଛନ୍ତି କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ । ରାଜ୍ୟରେ ଦକ୍ଷିଣ ନିର୍ବାଚନୀ ମଣ୍ଡଳୀ ପାଇଁ ବିଜେପି ପକ୍ଷରୁ ନିର୍ବାଚନ ଲଢୁଥିବା ଭାନଥି ଶ୍ରୀନିବାସନଙ୍କ ପାଇଁ ଭୋଟ ମାଗିବା ପାଇଁ ସେ ତାମିଲନାଡୁରେ ପହଞ୍ଚିଛନ୍ତି । ତେବେ ସେଠାରେ ସେ ପାରମ୍ପାରିକ ନୃତ୍ୟ ପରିବେଷଣ କରି ଚର୍ଚ୍ଚାର ପରିସରକୁ ଆସିଛନ୍ତି । ସ୍ମୃତି ତାମିଲନାଡୁର ପାରମ୍ପରିକ ନୃତ୍ୟରେ ତାଳ ମିଶାଇ ନାଚୁଥିବା ଦେଖିବାକୁ ମିଳିଛି । ଏହି ଭିଡିଓ ବର୍ତ୍ତମାନ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ବ୍ୟୁରୋ ରିପୋର୍ଟ, ଇଟିଭି ଭାରତ