ଶିକ୍ଷକଙ୍କ ମୁଣ୍ଡରେ ଡଷ୍ଟବିନ ଭର୍ତ୍ତି କରିଦେଲେ ଛାତ୍ର, ଭିଡିଓ ଭାଇରାଲ

ବେଙ୍ଗାଲୁର: ଶିକ୍ଷକଙ୍କୁ ଅସଦାଚରଣ । ଏକ ଡଷ୍ଟବିନ ଡବା ଶିକ୍ଷକଙ୍କ ମୁଣ୍ଡରେ ଭର୍ତ୍ତି କରିଦେଲେ ଛାତ୍ର । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । କର୍ଣ୍ଣାଟକର ଡାଭାନଙ୍ଗେର ଜିଲ୍ଲାର ଚାନ୍ନାଗିରି ତାଲୁକରେ ଥିବା ସରକାରୀ ହାଇସ୍କୁଲର ଜଣେ ହିନ୍ଦୀ ଶିକ୍ଷକଙ୍କୁ କିଛି ଛାତ୍ର ଏପରି ଭାବେ ଅସଦାଚରଣ କରିଥିଲେ । ଏନେଇ ଭିଡିଓ ଭାଇରାଲ ହେବାପରେ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । ଏହି ଘଟଣାକୁ ଖୁବ ନିନ୍ଦା କରିଛନ୍ତି କର୍ଣ୍ଣାଟକର ଶିକ୍ଷାମନ୍ତ୍ରୀ ।