କୁକୁର ଭୁଲିଛି ଭୋକଶୋଷ, ଅଫେରା ରାଇଜରେ ଆତ୍ମୀୟ ସ୍ବଜନ...

ଡେରାଡୁନ: ଉତ୍ତରାଖଣ୍ଡର ଚମୋଲିରେ ହୋଇଥିବା ହିମସ୍ଖଳନରେ ଏବେ ବି ଅନେକ ନିଖୋଜ ଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି । ନିଜ ଆତ୍ମୀୟ ସ୍ବଜନଙ୍କ ଅପେକ୍ଷାରେ ଅନାଇ ବସିଛନ୍ତି ଅନେକ ଲୋକ । ପ୍ରିୟଜନଙ୍କୁ ହରାଇବାର ଦୁଃଖ ସମସ୍ତଙ୍କୁ ଭାଙ୍ଗି ଦେଇଥିବାବେଳେ ଏକ କୁକୁର ମଧ୍ୟ ନିଜ ମାଲିକ ଅପେକ୍ଷାରେ ଚାହିଁ ରହିଛି । ଜଳ ପ୍ରଳୟରେ ମାଲିକ ସହ କୁକୁରର ଦୁଇ ଛୁଆ ମଧ୍ୟ ଭାସି ଯାଇଛନ୍ତି । ଆଉ ସେମାନଙ୍କ ଆସିବା ବାଟକୁ ଚାହିଁ ବସିଛି ନୀରିହ କୁକୁର । ଫେବୃଆରୀ 7 ରୁ ଆଜି ପର୍ଯ୍ୟନ୍ତ ଦୁର୍ଘଟଣାସ୍ଥଳ ଛାଡି ଯାଉନି ଏହି କୁକୁର । ବିପର୍ଯ୍ୟୟ ପ୍ରଭାବିତ ଅଞ୍ଚଳକୁ ବୁଲି ଆସୁଥିବା ଲୋକେ କୁକୁରକୁ ଯାହା ବି ଖାଇବାକୁ ଦେଉଛନ୍ତି କୁକୁରଟି ଖାଦ୍ୟ ଗ୍ରହଣ କରୁନାହିଁ । ଦିନ ରାତି ନିଜ ମାଲିକକୁ ଅପେକ୍ଷା କରି ମନ ଦୁଃଖ କରି ବସି ରହିଛି ଏହି କୁକୁର । ମଣିଷ ମନରୁ ଏହି ପ୍ରଳୟଙ୍କାରୀ ଦୃଶ୍ୟ ଲିଭିନଥିବାବେଳେ କୁକୁର ମଧ୍ୟ ହୋଇଯାଇଛି ନିସ୍ତବ୍ଧ । ବ୍ୟୁରୋ ରିପୋର୍ଟ, ଇଟିଭି ଭାରତ