25 ବର୍ଷରେ ପାଦ ଥାପିଲା ଆପଣଙ୍କ ପ୍ରିୟ ଚ୍ୟାନେଲ ETV

ହାଇଦ୍ରାବାଦ: ରାମୋଜୀ ଗ୍ରୁପ୍‌ର ଅଧିନରେ ଥିବା ଇଟିଭି ନିଜର ଗୌରବମୟ 25 ବର୍ଷ ପୂରଣ କରିଛି । ଏହି ଅବସରରେ ରାମୋଜୀ ଫିଲ୍ମ ସିଟିରେ ଇଟିଭିର ରଜତ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଥିଲା | ରାମୋଜି ଗ୍ରୁପ୍‌ର ଚେୟାରମ୍ୟାନ ରାମୋଜୀ ରାଓ, ପରିବାର ସଦସ୍ୟ ଓ ସଂସ୍ଥାର କର୍ମଚାରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଇଟିଭି ଚ୍ୟାନେଲର ସିଇଓ ବାପି ନାଇଡୁ, ବିଭାଗୀୟ ମୁଖ୍ୟ, ଆରଏଫସିର ପରିଚାଳନା ନିର୍ଦ୍ଦେଶକ ରାମ ମୋହନ ରାଓ ଇନାଡୁର ପରିଚାଳନା ନିର୍ଦ୍ଦେଶକ କିରଣ, ରାମୋଜି ରାଓ ପରିବାରର ତୃତୀୟ ପିଢୀର ସଦସ୍ୟ ସାହାରୀ-ରାଚେସ, ସୋହାନା-ବିନୟ, ବ୍ରିହାଥୀ ଏବଂ ସୁଜୟ ମଧ୍ୟ ଉପସ୍ଥିତ ଥିଲେ। ଚ୍ୟାନେଲର 25 ତମ ପ୍ରତିଷ୍ଠା ଦିବସ ପାଳନ କରିବାକୁ ରାଓଙ୍କ ନାତି ସୁଜୟ କେକ କାଟିଥିଲେ | ଏହି ଅବସରରେ କର୍ମଚାରୀମାନେ ଚ୍ୟାନେଲର 25 ବର୍ଷର ଯାତ୍ରାକୁ ସ୍ମରଣ କରିଛନ୍ତି | ଏହି ଉତ୍ସବରେ ଇଟିଭି ନେଟୱାର୍କର ମୁଖ୍ୟ ପି.କେ ମନଭି , ସଚିବ ଜି ଶ୍ରୀନିବାସ, ଇନାଡୁ ନିର୍ଦ୍ଦେଶକ ଆଇ ଭେଙ୍କଟ ଏବଂ ଗ୍ରୁପ୍ ଏଚଆର-ସଭାପତି ଗୋପାଳ ରାଓ ମଧ୍ୟ ଯୋଗ ଦେଇଥିଲେ।