ଭିଡିଓ ମାଧ୍ୟମରେ ପଞ୍ଜାବ ମୁଖ୍ୟମନ୍ତ୍ରୀଙ୍କ ବାର୍ତ୍ତା

ଅମ୍ରିତସର: ସମଗ୍ର ବିଶ୍ବ ଆଜି କୋରୋନା ଆତଙ୍କରେ ଆତଙ୍କିତ । ଯେଉଁଥିପାଇଁ ସାରା ଦେଶ ଏବେ ଲକଡାଉନ । ଏପଟେ ପଞ୍ଜାବରେ ମଧ୍ୟ କୋରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢି ଚାଲିଛି । ସେଥିପାଇଁ ଲୋକଙ୍କୁ ଘରେ ରହିବାକୁ ପରାମର୍ଶ ଦେଉଛନ୍ତି ସରକାର । ଏଥି ସହିତ ପଞ୍ଜାବ ସରକାର ମଧ୍ୟ ଲୋକଙ୍କୁ ସାହାଯ୍ୟ କରିବା ପାଇଁ ସମସ୍ତ ପ୍ରକାର ଉଦ୍ୟମ କରୁଛନ୍ତି। ଅନ୍ୟପକ୍ଷରେ ଲୋକଙ୍କୁ କୋରୋନା ସଚେତନତା ଏବଂ ସହରର ନିରବତା ବିଷୟରେ ଅବଗତ କରାଇବା ପାଇଁ ଅମ୍ରିତସର ପ୍ରଶାସନ ତରଫରୁ ଏକ ଭିଡିଓ ସେୟାର କରାଯାଇଛି। ଯାହାକି ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ତାଙ୍କ ଟ୍ବିଟରରେ ସେୟାର କରିଛନ୍ତି।