ଅଯୋଧ୍ୟାର ମସଜିଦ ଜମି ବିଶ୍ବରେ ଭାଇଚାରାର ଉଦାହରଣ ସୃଷ୍ଟି କରିବ: ମିଆଁ ସାହେବ

ଲକ୍ଷ୍ନୌ: ଅଗଷ୍ଟ 5ରେ ହେବାକୁ ଯାଉଛି ଭଗବାନ ରାମଙ୍କ ଭୂମିପୂଜା । ଏଥିପାଇଁ ପ୍ରସ୍ତୁତ ରହିଛି ଅଯୋଧ୍ୟା ନଗରୀ । ଅନ୍ୟପକ୍ଷେ ମସଜିଦ ପାଇଁ ମିଳିଥିବା ଜମିରେ ମସିଜଦର ରୂପରେଖ ନିର୍ଣ୍ଣୟ କରିବାକୁ ସୁନ୍ନି ବୋର୍ଡ ପକ୍ଷରୁ ଗଠନ କରାଯାଇଛି 15 ସଦସ୍ୟ ବିଶିଷ୍ଟ ଏକ କମିଟି । ଏଥିରୁ 9 ଜଣ ସଦସ୍ୟଙ୍କ ନାଁ ଚୟନ ସରିଛି । ଏହି କମିଟିରେ ଗୋରଖପୁରର ଜଣାଶୁଣା ଧର୍ମଗୁରୁ ଅଦନାନ ଫାରୁଖ ( ମିଆଁ ସାହେବ)ଙ୍କୁ ଉପଧ୍ୟକ୍ଷ ନିଯୁକ୍ତ କରାଯାଇଛି । ତେବେ କମିଟି ଗଠନ ପରେ ମିଆଁ ସାହେବ ଇଟିଭି ଭାରତକୁ ପ୍ରତିକ୍ରିୟା ଦେଇ କହିଛନ୍ତି, ମସଜିଦ ନିର୍ମାଣ ହେବାକୁ ଥିବା ସ୍ଥାନ ସାରା ବିଶ୍ବରେ ଭାଇଚାରାର ଉଦାହରଣ ସୃଷ୍ଟି କରିବ ।