ଭୟଙ୍କର ! ୪ ବର୍ଷର ଶିଶୁକନ୍ୟାକୁ ବୁଲା କୁକୁରଙ୍କ ଆକ୍ରମଣ

ଭୋପାଳ: ନୂଆବର୍ଷର ପ୍ରଥମ ଦିନରେ ମଧ୍ୟପ୍ରଦେଶ ବାଗସେବାନିଆ ଅଞ୍ଜଳୀ ବିହାର କଲୋନୀରେ ଏକ ଛାତିଥରା ଘଟଣା ଦେଖିବାକୁ ମିଳିଛି । ଯେଉଁଠି ଗୋଟିଏ ୪ ବର୍ଷର କୋମଳ ଶିଶୁକନ୍ୟାକୁ ଘେରି ଯାଇଛନ୍ତି ୫ରୁ ୬ଟି ବୁଲା କୁକୁର । ଆଉ ଏହାପରେ ତାକୁ ଆକ୍ରମଣ କରିଥିବା ଦେଖିବାକୁ ମିଳିଛି । ଏହି ବୁଲା କୁକୁରଗୁଡ଼ିକ ଶିଶୁକୁ ଏକୁଟିଆ ଦେଖି ଆକ୍ରମଣ କରିଥିଲେ । ସେପଟେ ଶିଶୁର ଚିତ୍କାର ଶୁଣି ଘଟଣାସ୍ଥଳରେ ଜଣେ ଯୁବକ ପହଞ୍ଚି ଶିଶୁକୁ ଉଦ୍ଧାର କରିଛନ୍ତି । ଶିଶୁଟି ସେଠାରେ ଏକୁଟିଆ ଖେଳୁଥିବା ସମୟରେ କୁକୁରମାନେ ତାକୁ ଆକ୍ରମଣ କରିଛନ୍ତି । ଏହି ବୁଲା କୁକୁର ଧରାଳୀ ଗାଡ଼ି କୁକୁରଙ୍କୁ ଧରୁନଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏଥିଲାଗି ଶିଶୁ ଉପରେ ଏହି ଆକ୍ରମଣ ହୋଇଛି । ଏହି ଘଟଣାର ସମସ୍ତ ଦୃଶ୍ୟ କଲୋନୀରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି ।