Padmapur By Poll: ଚାଷୀଙ୍କୁ ନେଇ ରାଜନୀତି, BJD ଓ BJP ଉପରେ ବର୍ଷିଲେ ତାରା

ଭୁବନେଶ୍ବର: ପଦ୍ମପୁର ଉପନିର୍ବାଚନ ପୂର୍ବରୁ ଚାଷୀକୁ ନେଇ ରାଜନୀତି ଆରମ୍ଭ ହୋଇଯାଇଛି । ଚାଷୀଙ୍କୁ ଫସଲ ବୀମା ମିଳୁନାହିଁ । ଏହାକୁ ନେଇ ବିଜେପି ଓ ବିଡେଡି ଉପରେ ବର୍ଷିଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । ଚାଷୀଙ୍କୁ ନେଇ ଉଭୟ ରାଜନୀତି କରିଛନ୍ତି । କିନ୍ତୁ ଚାଷୀ ହନ୍ତସନ୍ତ ହେଉଛନ୍ତି । କେନ୍ଦ୍ରର ବୀମା ଟଙ୍କା କୁଆଡେ ଗଲା ? ବୀମା ଟଙ୍କାକୁ ନେଇ ବିଜେପି ବହୁତ ଡ୍ରାମା କରୁଛି । ଆଉ ଏଠି ବିଜେଡି ବି କିଛି କମ୍‌ ଡ୍ରାମା କରୁନି । ସୋହେଲାରେ ମୁଖ୍ୟମନ୍ତ୍ରୀ ନିର୍ବାଚନ କୁ ଦେଖି ଚାଷୀଙ୍କୁ ୧୦୦ ଟଙ୍କା ଲେଖାଏଁ ବୋନସ୍ ଦେବା ପାଇଁ ଘୋଷଣା କଲେ । ସେ ଟଙ୍କା ପାଇଁ ଅନେକ ଥର ବିଧାନସଭାରେ ଆଲୋଚନା ହୋଇଛି । କିନ୍ତୁ କୁଆଡେ ଗଲା ସେ ୧୦୦ ଟଙ୍କାର ବୋନସ୍ ବୋଲି ପ୍ରଶ୍ନ କରିଛନ୍ତି ତାରା ପ୍ରସାଦ ବାହିନୀପତି ।