ତ୍ରିରଙ୍ଗାମୟ ହେଲା ପ୍ରଧାନମନ୍ତ୍ରୀ ଆବାସ, ରାକ୍ଷୀ ବାନ୍ଧବା ପରେ କୁନି ପିଲାଙ୍କୁ ତ୍ରିରଙ୍ଗା ବାଣ୍ଟିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଆଉ ୩ଦିନ ପରେ ଦେଶ ପାଳିବ ୭୫ତମ ସ୍ବାଧୀନତା ଦିବସ । ଏଥିପାଇଁ ସାରା ଦେଶରେ ଆଜାଦୀ କି ଅମୃତ ମହୋତ୍ସବ ପାଳନ ଜାରିରହିଛି । ‘ହର ଘର ତ୍ରିରଙ୍ଗା’ କ୍ୟାମ୍ପେନ ମଧ୍ୟ ଦେଶବାସୀଙ୍କ ମଧ୍ୟରେ ଜାତୀୟତା ଭରିଛି । ଦେଶର ବିଭିନ୍ନ ସ୍ଥାନରେ ତ୍ରିରଙ୍ଗା ଶୋଭାଯାତ୍ରା ଜାରି ରହିଥିବା ବେଳେ ଆଜି ରକ୍ଷାବନ୍ଧନ ଅବସରରେ ପ୍ରଧାନମନ୍ତ୍ରୀ ଆବସ ମଧ୍ୟ ତ୍ରିରଙ୍ଗାମୟ ହୋଇଛି । ରାକ୍ଷୀ ବାନ୍ଧିଥିବା କୁନି କୁନି ଛାତ୍ରଛାତ୍ରୀଙ୍କୁ ତ୍ରିରଙ୍ଗା ବାଣ୍ଟିବା ସହ ସେମାନଙ୍କ ସହ ତ୍ରିରଙ୍ଗା ଉଡାଇଛନ୍ତି ପ୍ରଧାନମନ୍ତ୍ରୀ ମୋଦି । ପିଲାମାନେ ତ୍ରିରଙ୍ଗା ସହ ଭାରତ ମାତା କି ଜୟ ନାରା ମଧ୍ୟ ଲଗାଇଥିଲେ । ପ୍ରଧାନମନ୍ତ୍ରୀ ସେମାନଙ୍କୁ ତ୍ରିରଙ୍ଗା ସମ୍ପର୍କରେ କିଛି ସୂଚନା ଦେଉଥିବା ମଧ୍ୟ ଦେଖିବାକୁ ମିଳିଥିଲା । ଦେଖନ୍ତୁ ଭିଡିଓ