ULB Polls: ଭୋଟ ଦେଲେ ଅଭିନେତା ସବ୍ୟସାଚୀ ମିଶ୍ର

ଭୁବନେଶ୍ବର: ଭୋଟ ଦେଲେ ଅଭିନେତା ସବ୍ୟସାଚୀ ମିଶ୍ର । ପରିବାର ସହ ଆସି ସେ ଆଇଗିଣିଆ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ୱାର୍ଡ ନମ୍ବର ୪୯ ଓ ବୁଥ ନ ୫୦୯ ରେ ଭୋଟ ଦେଇଛନ୍ତି । ଗଣତନ୍ତ୍ରର ଏହି ମହାପର୍ବରେ ସାମିଲ ହୋଇ ଅନ୍ୟମାନଙ୍କୁ ଭୋଟ ଦେବା ପାଇଁ ମଧ୍ୟ ସେ ଆହ୍ବାନ କରିଛନ୍ତି । କାରଣ ଗୋଟିଏ ଗୋଟିଏ ଭୋଟ ବି ଜଣେ ପ୍ରାର୍ଥୀର ଭାଗ୍ୟ ବଦଳାଇପାରେ ବୋଲି ସେ କହିଛନ୍ତି । ଏଣୁ ନେତା ହୁଅନ୍ତୁ ବା ଅଭିନେତା ବା ସାଧାରଣ ଜନତା ସମସ୍ତେ ଆସି ନିଜର ମତଦାନ କରିବାକୁ ସେ ଅନୁରୋଧ କରିଛନ୍ତି । ମତ ସାବ୍ୟସ୍ତ କରି ସେ ଖୁସିଥିବା କହିଛନ୍ତି । ତେବେ ସମସ୍ତ ନାଗରିକ ଦେଶ ବା ରାଜ୍ୟ ପାଇଁ ଥିବା ଏହି କର୍ତ୍ତବ୍ୟ କରିବାର ଧାରାକୁ ଜାରି ରଖିବା ପାଇଁ ରାଜ୍ୟବାସୀଙ୍କୁ ଅପିଲ କରିଛନ୍ତି ସବ୍ୟ । ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ