ସୀମା ଟପିଲେ ମଦ୍ୟପ ଯୁବତୀ: ପୋଲିସ କର୍ମଚାରୀଙ୍କୁ ବାଡେଇଲେ, ଗାଳି ଗୁଲଜ କଲେ

ମୁମ୍ବାଇ: ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ଯୁବତୀ ମଦ ପିଇ କାରରେ ବସି ଅଶ୍ଳୀଳ ଭାଷାରେ ଗାଳି-ଗୁଲଜ କରୁଥିବା ଦେଖିବାକୁ ମିଳିଛି । କାରର ଡ୍ରାଇଭରଙ୍କୁ ଗାଡିରୁ ଜୋର ଜବରଦସ୍ତ ବାହାର କରିଦେବା ସହ ଡ୍ରାଇଭର ସିଟ୍‌ରେ ବସି ପ୍ରବଳ ଗାଳି-ଗୁଲଜ କରିଥିଲେ । କେବଳ ଏତିକି ନୁହେଁ ମଦ୍ୟପ ଯୁବତୀ ଜଣକ ମଧ୍ୟ ପୋଲିସ କର୍ମଚାରୀଙ୍କ କଲର୍ ଧରି ମାଡ ମାରୁଥିବା ଭିଡିଓରେ ଦେଖିବାକୁ ମିଳିଛି । ଅନ୍ୟପଟେ ଯୁବତୀଙ୍କ ଅନ୍ୟ ୨ ବାନ୍ଧବୀ ମଧ୍ୟ ମଦ ପିଇ ରାସ୍ତାକଡରେ ଛିଡା ହୋଇଥିଲେ । ତେବେ ଭିଡିଓଟି ମୁମ୍ବାଇର ହୋଇ ଥିବାବେଳେ କେଉଁ ଅଞ୍ଚଳର ଏବଂ କେତେବେଳେ ତାହା ସ୍ପଷ୍ଟ ହୋଇନାହିଁ । ବ୍ୟୁରୋ ରିପୋର୍ଟ, ଇଟିଭି ଭାରତ