କୋରାପୁଟ: ବୈପାରିଗୁଡା ବ୍ଲକର ବିଭିନ୍ନ ସ୍ଥାନରେ ସିଭିଲ ଆକ୍ସନ କାର୍ଯ୍ୟକ୍ରମ ଆୟୋଜନ କଲେ BSF ଯବାନ । ସ୍ଥାନୀୟ ଯୁବକମାନଙ୍କୁ ସୁସ୍ଥ ଏବଂ ଫିଟ୍ ରହିବା ସହ ସୁରକ୍ଷା ବାହିନୀରେ ନିୟୋଜିତ ହେବାକୁ ପ୍ରୋତ୍ସାହିତ କରିଛନ୍ତି ଯବାନମାନେ । ଏଥିସହ ଗ୍ରାମବାସୀମାନଙ୍କୁ ବିଭିନ୍ନ ଘରକରଣା ସାମଗ୍ରୀ ପ୍ରଦାନ କରିଛନ୍ତି ।
![ଯୁବପିଢିଙ୍କୁ ସୁରକ୍ଷା ବାହିନୀରେ ଯୋଗଦେବାକୁ ପ୍ରୋତ୍ସାହିତ କଲେ BSF ଯବାନ](https://etvbharatimages.akamaized.net/etvbharat/prod-images/od-kpt-02-bsf-encouraged-youth-viz-7202788_12022022162719_1202f_1644663439_609.jpg)
ମାଠପଡ଼ାରେ ଡାଲପୁର, ଟିପାଗୁଡା, ଝିଲିମିଲିଗୁଡା, ପଞ୍ଜାବିଗୁଡା, ଲୋଡକାଗୁଡା, ପ୍ରଧାନମାଲା, କୁପଲିଗୁଡା, ସିମିଳିଗୁଡା, ମୁର୍ଜାଗୁଡା, ମୁସାପଦର ଏବଂ ମାଲାଗୁଡା ଅନ୍ତର୍ଗତ ଗ୍ରାମବାସୀଙ୍କ ପାଇଁ BSF ଯବାନମାନେ ଏକ ସିଭିକ୍ ଆକ୍ସନ କାର୍ଯ୍ୟକ୍ରମ ଆୟୋଜନ କରିଥିଲେ । ଏହି କାର୍ଯ୍ୟକ୍ରମରେ ପ୍ରାୟ 600 ଗ୍ରାମବାସୀଙ୍କୁ ପୋଷାକ, ଷ୍ଟେସନାରୀ ଜିନିଷ, ଘର କରଣା ଜିନିଷ ଏବଂ କ୍ରୀଡା ସାମଗ୍ରୀ ବଣ୍ଟନ କରିଛନ୍ତି । ଏହି ଅବସରରେ କୋରାପୁଟ ବିଏସଏଫ ସେକ୍ଟର ଡିଜି ମଦନ ଲାଲ ଏବଂ କମାଣ୍ଡାଣ୍ଟ ଅଜୟ କୁମାର ଉପସ୍ଥିତ ଥିଲେ ।
ଏହିପରି କଲ୍ୟାଣ କାର୍ଯ୍ୟକ୍ରମ ନାଗରିକଙ୍କ ମଧ୍ୟରେ ସୁରକ୍ଷା ଭାବନାକୁ ବୃଦ୍ଧି କରିଥାଏ ଏବଂ ଭବିଷ୍ୟତରେ ମଧ୍ୟ ଏପରି କାର୍ଯ୍ୟକ୍ରମ ଆୟୋଜିତ ହେବ ବୋଲି ମଦନ ଲାଲ୍ କହିଛନ୍ତି । ଯୁବକମାନଙ୍କୁ ସେମାନଙ୍କର ଶିକ୍ଷା ସମାପ୍ତ କରିବା ସହିତ ନିଜକୁ ସୁସ୍ଥ ଏବଂ ଫିଟ୍ ରହିବାକୁ ଉତ୍ସାହିତ କରିଛନ୍ତି ବିଏସଫ ଯବାନ ଏବଂ ସେମାନଙ୍କୁ ସୁରକ୍ଷା ବାହିନୀରେ ଯୋଗଦେଇ ଦେଶ ସେବା କ୍ଷେତ୍ରରେ ଅନୁପ୍ରେରିତ କରିଛନ୍ତି । ନିଯୁକ୍ତି ପୂର୍ବ ପ୍ରସ୍ତୁତି ପ୍ରଶିକ୍ଷଣରେ ସେମାନଙ୍କୁ ବିଏସଏଫର ଅଧିକାରୀ ସମସ୍ତ ସାହାଯ୍ୟ କରିବେ ବୋଲି ମଦନ ଲାଲମ ପ୍ରତିଶ୍ରୁତି ଦେଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ