ହାଇଦ୍ରାବାଦ: ବର୍ତ୍ତମାନ ମାର୍କେଟରେ ଫୋଲ୍ଡେବଲ ସ୍ମାର୍ଟଫୋନର କ୍ରେଜ ବଢିବାରେ ଲାଗିଛି । ଏଣୁ ମୋବାଇଲ ନିର୍ମାତା କମ୍ପାନୀଗୁଡ଼ିକ ଏହି ଫୋନର ବଜାର ପ୍ରବେଶ ଉପରେ ଅଧିକ ଧ୍ୟାନ ଦେଉଛନ୍ତି । ଏହା ଦେଖିବାକୁ ଷ୍ଟାଇଲିସ ଲାଗୁଥିବା ବେଳେ ଏକ ବଡ଼ ସ୍କ୍ରିନ ମଧ୍ୟ ଗ୍ରାହକଙ୍କୁ ପ୍ରଦାନ କରୁଛି । ତେବେ ଏବେ ବଜାରକୁ ଆସିବାକୁ ଯାଉଥିବା ଥ୍ରି ଫୋଲ୍ଡେବଲ ସ୍ମାର୍ଟଫୋନ । ଏହା ଗ୍ରାହକଙ୍କ ଆବଶ୍ୟକତାକୁ ଆଖି ଆଗରେ ରଖି ବିକଶିତ କରାଯାଇଥିବା ବେଳେ ଖୁବଶୀଘ୍ର ଏହାର ବଜାର ପ୍ରବେଶ ହେବାକୁ ଯାଉଛି ।
ଚାଇନିଜ କମ୍ପାନୀ ହୁୱାଇ (Huawei) ବିଶ୍ବର ପ୍ରଥମ ଟ୍ରାଇ-ଫୋଲ୍ଡେବଲ ମୋବାଇଲ ଆଣିବାକୁ ଯାଉଛି । କମ୍ପାନୀର ସିଇଓ ରିଚାର୍ଡଙ୍କ କହିବାନୁସାରେ, ଏହି ସ୍ମାର୍ଟଫୋନ 'Huawei Mate XT' ନାମରେ ବଜାର ପ୍ରବେଶ କରିବ । ତେବେ ଏହା କେବେ ଲଞ୍ଚ ହେବ ସେ ସମ୍ପର୍କରେ କମ୍ପାନୀ ପକ୍ଷରୁ ସ୍ପଷ୍ଟ କରାଯାଇନାହିଁ । ତେବେ ଏହା କାହିଁକି ଚର୍ଚ୍ଚାରେ, ଏଥିରେ ଗ୍ରାହକଙ୍କୁ କଣ ଅତ୍ୟାଧୁନିକ ଫିଚର୍ସ ମିଳିବ ସେ ସମ୍ପର୍କରେ ଜାଣନ୍ତୁ ।
Huawei’s new phone! Ok, MateXT is like an art and looks sooooooo futuristic! #HuaweiLaunch #phone #Huawei #华为三折叠 pic.twitter.com/gJsoSdxKmk
— ChitChat China🇨🇳🇺🇸 (@ChitChatChina) September 4, 2024
କେବେ ଲଞ୍ଚ ?
- ବିଶ୍ବର ପ୍ରଥମ ଟ୍ରାଇ-ଫୋଲ୍ଡେବଲ ମୋବାଇଲ ଆଣିବାକୁ ଯାଉଛି Huawei ।
- ଏହାର ନାମ ରହିଛି Huawei Mate XT
- ଚାଇନିଜ ମାର୍କେଟରେ ଏହା ସେପ୍ଟେମ୍ବର 10 ତାରିଖରେ ଲଞ୍ଚ ହେବାକୁ ଯାଉଛି ।
- ଭାରତୀୟ ମାର୍କେଟରେ ଏହା କେବେ ଲଞ୍ଚ ହେବ ସେ ନେଇ ସ୍ପଷ୍ଟ ସୂଚନା ମିଳିନାହିଁ ।
Huawei Mate XT ଫିଚର୍ସ:-
- 2ଟି ଇନୱାର୍ଡ ସ୍କ୍ରିନ
- ଗୋଟିଏ ଆଉଟୱାର୍ଡ ସ୍କ୍ରିନ
କେତେ ରହିଛି ଦାମ ?
ଏହି ଅତ୍ୟାଧୁନିକ ସ୍ମାର୍ଟଫୋନର ଦାମ ସମ୍ପର୍କରେ ଲଞ୍ଚ ତାରିଖ ଦିନ କମ୍ପାନୀ ପକ୍ଷରୁ ସୂଚନା ଦିଆଯିବ । କିନ୍ତୁ ମାର୍କେଟ ସୂତ୍ରରୁ ମିଳିଥିବା ସୂଚନା ଅନୁସାରେ କମ୍ପାନୀ ଏହାର ଦାମ Rs.3,35,000 ରଖିଛି ।
ବଜାରକୁ ଆସିବ ଆଉ ଏକ Tri Fold Mobile:-
- ଟେକ୍ନୋ (Techno) କମ୍ପାନୀ ପ୍ରଥମେ ଏହି ଟ୍ରାଇ-ଫୋଲ୍ଡେବଲ ମୋବାଇଲ ସମ୍ପର୍କରେ ଫେବୃଆରୀରେ ଆୟୋଜିତ ହୋଇଥିବା ୱାର୍ଲ୍ଡ କଂଗ୍ରେସ 2024 (MWC 2024) ଘୋଷଣା କରିଥିଲା ।
- ନିକଟରେ IFA ବର୍ଲିନରେ କମ୍ପାନୀ ଏହାର ପ୍ରଥମ ଲୁକ୍ ରିଲିଜ କରିଥିଲା ।
- କିନ୍ତୁ ଏହି ଫୋନରେ କେବେ ବଜାର ପ୍ରବେଶ ହେବ ସେ ସମ୍ପର୍କରେ କୌଣସି ସୂଚନା ଦିଆଯାଇନାହିଁ ।
- Techno Trifold ସ୍ମାର୍ଟଫୋନ ଆସନ୍ତା ବର୍ଷ ଶେଷ ସୁଦ୍ଧା ବଜାର ପ୍ରବେଶ କରିବ ବୋଲି ଟେକ୍ ଏକ୍ସପର୍ଟ ଆକଳନ କରିଛନ୍ତି ।
- କିନ୍ତୁ ଚୀନର ହୁୱାଇ ଏହି ମୋବାଇଲକୁ ବିଶ୍ବରେ ପ୍ରଥମେ ଲଞ୍ଚ କରାଯାଉଛି ।
