ଢେଙ୍କାନାଳ: ଖାଲି ପଡିଥିବା ଜିଲ୍ଲା ଆରକ୍ଷୀ ଅଧିକ୍ଷକଙ୍କ ପଦବୀ ପୁରଣ ଦାବିରେ ଜିଲ୍ଲାର ସୂଚନା ଅଧିକାର କର୍ମୀ ମାନେ ଅନଶନରେ ବସିଛନ୍ତି । ଜିଲ୍ଲାରେ ଦୀର୍ଘ ଦିନ ହେଲା ଜିଲ୍ଲା ଆରକ୍ଷୀ ଅଧିକ୍ଷକ ପଦବୀ ଖାଲି ପଡ଼ିଥିବାରୁ ଜିଲ୍ଲାବସୀ ମାନେ ପୋଲିସ ସେବା ପାଇ ପାରୁନାହାନ୍ତି । ତାହା ସହ ଜିଲ୍ଲାରେ ଆଇନ ଶୃଙ୍ଖଳା ସ୍ଥିତି ମଧ୍ୟ ଭୁଷୁଡିବାରେ ଲାଗିଲାଣି । ସ୍ଥାୟୀ ଆରକ୍ଷୀ ଅଧିକ୍ଷକ ନିଯୁକ୍ତି ପାଇଁ ବିଭିନ୍ନ ମହଲରୁ ବାରମ୍ବାର ଦାବି ହୋଇ ଅସୁଥୁଲେ ମଧ୍ୟ ସରକାର ଏ ଦିଗରେ କୌଣସି ପଦକ୍ଷେପ ନେଉନଥିବା ଅନଶନକାରୀ ମାନେ ଅଭିଯୋଗ କରିଛନ୍ତି ।
ଏହି ପ୍ରସଙ୍ଗ ନେଇ ଜିଲ୍ଲା ସୂଚନା ଅଧିକାର କର୍ମୀମାନେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଅନଶନ ଆରମ୍ଭ କରିଛନ୍ତି । ତୁରନ୍ତ ନୂଆ ଏସପି ନିଯୁକ୍ତ କରିବା ଦିଗରେ ସରକାର ପଦକ୍ଷେପ ନିଆ ନଗଲେ ଆଗାମୀ ଦିନରେ ଏହି ଅନଶନକୁ ବ୍ୟାପକ ରୁପ ଦିଆଯିବ ବୋଲି ଚେତାବନୀ ଦେଇଛନ୍ତି ସୂଚନା ଅଧିକାର କର୍ମୀ।
ଢେଙ୍କାନାଳରୁ ଉର୍ମିଳା ପାତ୍ରଙ୍କ ରିପୋର୍ଟ , ଇଟିଭି ଭାରତ