ଜନ୍ମଦିନର ଦିନକ ପୂର୍ବରୁ ବୈବାହିକ ଜୀବନରେ ପୂର୍ଣ୍ଣଚ୍ଛେଦ ପକାଇଲେ ଜୟମ ରବି, ପତ୍ନୀ ଆରତୀଙ୍କ ଠୁ ହେଲେ ଅଲଗା - JAYAM RAVI ANNOUNCES DIVORCE

Jayam Ravi Announces Divorce with Wife: ଆଲଗା ହେଲେ ସାଉଥ ଅଭିନେତା ଜୟମ ରବି ଏବଂ ତାଙ୍କ ପତ୍ନୀ ଆରତୀ । ବିବାହର 15 ବର୍ଷ ପରେ ଆଜି, ସେପ୍ଟେମ୍ବର 9 ରେ ଛାଡପତ୍ର ଘୋଷଣା କରିଛନ୍ତି । ସୋସିଆଲ ମିଡିଆରେ ଏନେଇ ଉଭୟ ସୂଚନା ଦେଇଛନ୍ତି । ଅଧିକ ପଢନ୍ତୁ,

ହାଇଦ୍ରାବାଦ: 'ପୋନିୟନ ସେଲଭନ' ଫେମ ତାମିଲ ଅଭିନେତା ଜୟମ ରବି ତାଙ୍କ ପତ୍ନୀ ଆରତୀ ଆଜି ଛାଡପତ୍ର ଘୋଷଣଆ କରିଛନ୍ତି । ସୋସିଆଲ ମିଡିଆରେ ଏନେଇ ଉଭୟ ସୂଚନା ଦେଇଛନ୍ତି ।ବିବାହର 15 ବର୍ଷ ପରେ ପରସ୍ପରଠାରୁ ଅଲଗା ହେବାକୁ ନିଷ୍ପତି ନେଇଛନ୍ତି ଉଭୟ । ଏହି ପୋଷ୍ଟରେ ସେ ଏହି ସମୟରେ ତାଙ୍କର ଗୋପନୀୟତା ବଜାୟ ରଖିବାକୁୁ ଅନୁରୋଧ କରିଛନ୍ତି । କିଛି ମାସ ପୂର୍ବେ ଆରତୀ ତାଙ୍କ ଇନଷ୍ଟାଗ୍ରାମ ପୃଷ୍ଠାରେ ଜୟମଙ୍କ ସହ ଥିବା ଫଟୋଗୁଡ଼ିକୁ ଡିଲିଟ କଲାବେଳେ ସେମାନଙ୍କ ଅଲଗା ହେବାର ଖବର ବ୍ୟାପିଥିଲା । ବର୍ତ୍ତମାନ ଏହି ଖବର ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି ଉଭୟ ।

Grateful for your love and understanding.

Jayam Ravi pic.twitter.com/FNRGf6OOo8

— Jayam Ravi (@actor_jayamravi) September 9, 2024

ଜନ୍ମଦିନର ଗୋଟିଏ ଦିନ ପୂର୍ବରୁ ଛାଡ଼ପତ୍ର ଘୋଷଣା

ଆସନ୍ତାକାଲି ଅର୍ଥାତ୍ 10 ସେପ୍ଟେମ୍ବର ହେଉଛି ଜୟମ ରବିଙ୍କ ଜନ୍ମଦିନ, ଏହାର ଗୋଟିଏ ଦିନ ପୂର୍ବରୁ ସେ ତାଙ୍କ ଛାଡପତ୍ର ଘୋଷଣା କରି ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଛାଡପତ୍ର ପୋଷ୍ଟ ସେୟାର କରି ରବି ଲେଖିଛନ୍ତି, 'ଆପଣଙ୍କ ଭଲପାଇବା ଏବଂ ବୁଝାମଣା ପାଇଁ କୃତଜ୍ଞ । ମୁଁ ଅତ୍ୟନ୍ତ ଭାରୀ ହୃଦୟ ସହ ଆପଣ ସମସ୍ତଙ୍କ ସହିତ ବ୍ୟକ୍ତିଗତ ଜିନିଷ ବାଣ୍ଟିବାକୁ ଯାଉଛି । ବହୁ ଚିନ୍ତା, ବିଚାର ଏବଂ ଆଲୋଚନା ପରେ ମୁଁ ଆରତୀଙ୍କ ସହ ଅଲଗା ହେବାକୁ ନିଷ୍ପତ୍ତି ନେଇଛି । ଏହି ନିଷ୍ପତ୍ତି ଶୀଘ୍ର ନିଆଯାଇ ନାହିଁ କିନ୍ତୁ କିଛି ବ୍ୟକ୍ତିଗତ କାରଣରୁ ଏହି ନିଷ୍ପତି ନିଆଯାଇଛି । ମୁଁ ବିଶ୍ୱାସ କରେ ଏହା ଆମ ଦୁହିଁଙ୍କ ପାଇଁ ଠିକ୍ ଅଟେ ।

View this post on Instagram

A post shared by Jayam Ravi (@jayamravi_official)

ଗୋପନୀୟତା ରଖିବାକୁ କଲେ ଅନୁରୋଧ

ସେ ଆହୁରି ଲେଖିଛନ୍ତି, ''ମୁଁ ଆପଣ ସମସ୍ତଙ୍କୁ ଅନୁରୋଧ କରୁଛି ଯେ ଏହି କଠିନ ସମୟରେ ଆମର ଏବଂ ଆମ ପରିବାର ସଦସ୍ୟଙ୍କ ଗୋପନୀୟତାକୁ ସମ୍ମାନ ଦିଅନ୍ତୁ ଏବଂ ଏ ବାବଦରେ କୌଣସି ଧାରଣା, ଗୁଜବ କିମ୍ବା ଅଭିଯୋଗକୁ ଏଡ଼ାନ୍ତୁ ଏବଂ ମାମଲାକୁ ବ୍ୟକ୍ତିଗତ ରଖନ୍ତୁ । ମୋର ପ୍ରାଥମିକତା ସର୍ବଦା ସମାନ ରହିଆସିଛି । ମୋ ଚଳଚ୍ଚିତ୍ର ମାଧ୍ୟମରେ ମୋର ପ୍ରିୟ ଦର୍ଶକଙ୍କୁ ସୁଖ ଏବଂ ମନୋରଞ୍ଜନ ଦେବା । ମୁଁ ଏବଂ ଆପଣଙ୍କ ଜୟମ ରବି ମୁଁ ସର୍ବଦା ରହିବି । ଯାହାକୁ ଆପଣ ସମସ୍ତେ ମୋ କ୍ୟାରିୟରରେ ଭଲ ପାଉଛ ଏବଂ ଜଣେ ଅଭିନେତା ଭାବରେ ଯିଏ ନିଜ କାର୍ଯ୍ୟ ପାଇଁ ଉତ୍ସର୍ଗୀକୃତ ଏବଂ ସର୍ବଦା ନିଜର ଶ୍ରେଷ୍ଠତା ଦେବାକୁ ଚେଷ୍ଟା କରେ । ଏହିପରି ଆପଣଙ୍କର ସମର୍ଥନ ରଖନ୍ତୁ ।''

ଏହା ମଧ୍ୟ ପଢନ୍ତୁ: ୧୧ବର୍ଷ ପରେ ବୈବାହିକ ଜୀବନରେ ପୂର୍ଣ୍ଣଚ୍ଛେଦ, ଅଲଗା ହେଲେ ଜିଭି ପ୍ରକାଶ କୁମାର-ସାନ୍ଧଭି

View this post on Instagram

A post shared by Jayam Ravi (@jayamravi_official)

ଜୟମ ରବି 2009 ରେ ଆରତୀଙ୍କୁ ବିବାହ କରିଥିଲେ

କହିରଖୁଛୁ କି, ଜୟମ ରବି 2009 ରେ ଟେଲିଭିଜନ ନିର୍ମାତା ସୁଜତା ବିଜୟକୁମାରଙ୍କ ଝିଅ ଆରତୀଙ୍କୁ ବିବାହ କରିଥିଲେ । ଆରତୀ ସ୍କଟଲ୍ୟାଣ୍ଡରେ ଅଧ୍ୟୟନ କରୁଥିବାବେଳେ ସେମାନେ ନିକଟତର ହୋଇଥିଲେ ଏବଂ ପରସ୍ପରକୁ ଜାଣିବାର ଦୁଇ ବର୍ଷ ମଧ୍ୟରେ ସେମାନଙ୍କର ବନ୍ଧୁତା ପ୍ରେମରେ ପରିଣତ ହୋଇଥିଲା ଏବଂ ଶେଷରେ ସେମାନେ ବିବାହ କଲେ । ଏହି ଦମ୍ପତିଙ୍କର ଦୁଇ ପୁଅ ଆରାଭ ଏବଂ ଆୟାନ୍ ଅଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ