ନୂଆଦିଲ୍ଲୀ: ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ବୋର୍ଡ ଶୁକ୍ରବାର ଟେଲି କନଫରେନ୍ସ ମାଧ୍ୟମରେ ବୈଠକ କରିଛି । କୋରୋନା ଭାଇରସ୍ ହେତୁ 2020 ଟୋକିଓ ଅଲିମ୍ପିକ୍ସକୁ ଏକ ବର୍ଷ ସ୍ଥଗିତ ରଖାଯାଇଥିବା ବେଳେ ଆଇସିସ ଚଲିତ ବର୍ଷ ହିଁ ଅଷ୍ଟ୍ରେଲିଆରେ ବିଶ୍ବ ଟି -20 ଆୟୋଜନ କରିବାର ଆତ୍ମବିଶ୍ବାସ ରଖିଛି । ବୌଠକ ପରେ ଜଣେ କର୍ମକର୍ତ୍ତା କହିଛନ୍ତି, ‘‘ପୁରୁଷ ଟି -20 ବିଶ୍ୱକପ ଆୟୋଜନ କରିବା ଯୋଜନାରେ କୌଣସି ପରିବର୍ତ୍ତନ ହୋଇନାହିଁ । ଅକ୍ଟୋବର 18 ରୁ ନଭେମ୍ବର 15 ପର୍ଯ୍ୟନ୍ତ ବିଶ୍ୱ ଟି-20 ଖେଳାଯିବ ବୋଲି ଆଶା କରାଯାଉଛି |’’
ଏହି ମହାମାରୀ ଭାଇରସ ପାଇଁ ମଙ୍ଗଳବାର ଅଲିମ୍ପିକ୍ସକୁ ସ୍ଥଗିତ ରଖାଯିବା ପରେ କ୍ରୀଡାପ୍ରେମୀଙ୍କ ପାଇଁ ଏହା ଏକ ବଡ଼ ଆରାମ ବୋଲି କହିଥିଲେ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ । ସେ 2021 ମସିହାରେ ଖେଳ ଆୟୋଜନ କରିବାକୁ ଆନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ସହିତ ଏକ ଚୁକ୍ତି କରିଛନ୍ତି । ଆଇଓସିର ମୁଖ୍ୟ ଥୋମାସ ବାଚଙ୍କ ବିଷୟରେ ଆବେ କହିଛନ୍ତି ଯେ, ମୁଁ ପ୍ରାୟ ଏକ ବର୍ଷ ସ୍ଥଗିତ ରଖିବାକୁ ପ୍ରସ୍ତାବ ଦେଇଥିଲି ଏବଂ ରାଷ୍ଟ୍ରପତି ବାଚ୍ 100 ପ୍ରତିଶତ ଚୁକ୍ତିନାମା ସହ ଜବାବ ଦେଇଥିଲେ ।
