ରଜରେ ଅଘଟଣ, କାନ୍ଥ ପଡ଼ି ମହିଳା ମୃତ - Woman Died in Dhenkanal

WOMAN DIED IN DHENKANAL: ଢେଙ୍କାନାଳ: ଆଜି ଢେଙ୍କାନାଳ ସହରର ଶାସନ ଛକ ନିକଟରେ ଘଟିଛି ଏହି ଅଘଟଣ । ଜଣେ ମହିଳାଙ୍କ ଉପରେ ରୋଷେଇ ଘର କାନ୍ଥ ପଡି ଯିବାରୁ ମହିଳାଙ୍କ ମୃତ୍ୟୁ ଘଟିଛି। ମୃତ ମହିଳା ଜଣଙ୍କ ଶାସନ ଛକ ଅର୍ଥାତ ଚନ୍ଦନ ବଜାରର କହ୍ନେଇ ମେହେରଙ୍କ ପତ୍ନୀ ବିନି ମେହେର ଓ ତାଙ୍କ ବୟସ ୫୦ବର୍ଷ ବୋଲି ଜଣାପଡିଛି। ଆଜି ସକାଳୁ ରଜ ପାଇ ଘରେ ପିଠାପାଣ କରୁଥିବା ବେଳେ ହଠାତ ରୋଷେଇ ଘରର ମାଟି ପଥର କାନ୍ଥଟି ତାଙ୍କ ଉପରେ ଖସି ପଡ଼ିଥିଲା । ଫଳରେ ତାଙ୍କୁ ସ୍ଥାନୀୟ ଲୋକ ଉଦ୍ଧାର କରି ୧୦୮ ଆମ୍ବୁଲାନ୍ସ କୁ ଖବର ଦେଇଥିଲେ l ଖବର ପାଇ ଘଟଣାସ୍ଥଳରେ ୧୦୮ ଆମ୍ବୁଲାନ୍ସ ତାଙ୍କୁ ଜିଲ୍ଳା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ସେତବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା । ପରେ ଟାଉନ ପୋଲିସ ପହଞ୍ଚି ମୃତଦେହକୁ ବ୍ୟବଛେଦ ପାଇଁ ପାଠାଇଥିବା ଜଣାପଡିଛି।  

ଇଟିଭି ଭାରତ, ଢେଙ୍କାନାଳ