ପଙ୍କରେ ଫସିଲେ ହାତୀପଲ, ଉଦ୍ଧାର କାର୍ଯ୍ୟ ଜାରି - ELEPHANT HERD STUCK IN CANAL

ELEPHANT HERD STUCK IN CANAL:କଟକ: ନାଳ ପଙ୍କରେ ଫସିଲେ ହାତୀ । କଟକ ଜିଲ୍ଲା ବଡ଼ମ୍ବା ବନାଞ୍ଚଳ ଅଧୀନ ବେଲିଆପାଳ ଗ୍ରାମ୍ୟଜଙ୍ଗଲ ପାଖରେ ଥିବା କିମ୍ଭିରି ନାଳରେ ୩ ଟିକିଆ ହାତୀପଲ ଫସି ରହିଛନ୍ତି । ସେଥି ମଧ୍ୟରୁ ଦୁଇଟି ଦନ୍ତାହାତୀ ଥିବାବେଳେ ଗୋଟିଏ ମାଇ ହାତୀ ଥିବା ସୂଚନା ରହିଛି । ସୂଚନା ଅନୁସାରେ ଆଜି (ରବିବାର) ସକାଳ ସମୟରେ ହାତୀମାନେ ଖାଦ୍ୟ ଅନ୍ଵେଷଣ ପାଇଁ ଗାଁ ମୁହାଁ ହୋଇଥିବାବେଳେ ଗ୍ରାମବାସୀ ହାତୀ ପଲକୁ ଘଉଡାଇଥିଲେ । ଗତ ଦୁଇଦିନ ପୂର୍ବରୁ ସ୍ଥାନୀୟ ଅଞ୍ଚଳରେ ହାତୀପଲ ରହି ବିଭିନ୍ନ ଉପଦ୍ରବ କରୁଥିବା କହିଛନ୍ତି ଗ୍ରାମବାସୀ ।

ଆଜି ସକାଳୁ ହାତୀମାନଙ୍କୁ ଗ୍ରାମବାସୀ ଘଉଡାଇ ଥିବାବେଳେ ହାତୀମାନେ ଭୟଭୀତ ହୋଇ ପଳେଇ ଯାଉଥିବାବେଳେ ନାଳ ଭିତରେ ଫସିଯାଇଥିଲେ । ନାଳଟି ପଙ୍କରେ ଭର୍ତ୍ତି ହୋଇଥିବାରୁ ହାତୀପଲ ଫଶି ଯାଇଥିବା ଜଣାପଡିଛି । ଘଟଣାସ୍ଥଳରେ ବଡ଼ମ୍ବା ବନବିଭାଗ, ଅଗ୍ନିଶମ ବାହିନୀ ଏବଂ ବଡମ୍ବା ପୋଲିସ ପହଞ୍ଚିଛି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । କିଛି ମାସ ପୂର୍ବରୁ କଟକ ମହାନଦୀରେ ମଧ୍ୟ ହାତୀପଲ ଫସିବାର ଦୃଶ୍ୟ ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ .....କୋଇଡାରେ ଗୋଠ ଛଡା ହାତୀ ଆତଙ୍କ, ଦନ୍ତା ଆକ୍ରମଣରେ ଯୁବକ ମୃତ

ଇଟିଭି ଭାରତ, କଟକ