କାଲି ଶ୍ରାବଣ ପ୍ରଥମ ସୋମବାର, ବୋଲବମ ଧ୍ବନିରେ କମ୍ପିଲା ସିଲଭରସିଟି - Sawan First Monday

Sawan 2024: କଟକ: ଶ୍ରାବଣ ମାସର ପ୍ରଥମ ସୋମବାର ପାଇଁ ଚଳଚଞ୍ଚଳ ଶୈବପୀଠ । ଶ୍ରାବଣ ମାସରେ ଦେବ ଦେବ ମହାଦେବଙ୍କୁ ଜଳଲାଗି କରିଥାନ୍ତି କାଉଡିଆ । ଆସନ୍ତାକାଲି ଶ୍ରାବଣର ପ୍ରଥମ ସୋମବାର ଥିବାରୁ ଜଳଲାଗି ପାଇଁ ବାହାରିଛନ୍ତି ମାନସିକଧାରୀ । ଗଡ଼ଗଡିଆ ଘାଟରେ ମହାନଦୀରୁ ଜଳ ଭରି ପ୍ରଭୁ ଲିଙ୍ଗରାଜ ଓ ଅନ୍ୟାନ୍ୟ ଶୈବ ପୀଠରେ ଅଭିଷେକ ପାଇଁ ଯାତ୍ରା କରୁଛନ୍ତି କାଉଡ଼ିଆ । ଭକ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ଉଭୟ ପୋଲିସ ଓ ଅଗ୍ନିଶମ ବିଭାଗ ନଦୀ କୂଳରେ ସ୍ୱତନ୍ତ୍ର ବ୍ୟବସ୍ଥା କରିଛି । 

ଚଳିତ ବର୍ଷ 5 ପାଳି ପଡୁଥିବାରୁ ଭକ୍ତ ଓ ପ୍ରଶାସନ ମଧ୍ୟରେ ସମନ୍ବୟକୁ ଗୁରୁତ୍ୱ ଦିଆଯାଇଛି । କାଉଡିଆଧାରୀ ଭକ୍ତଙ୍କ ବୋଲ ବମ ହରହର ବମରେ କମ୍ପି ଉଠିଛି ଗଡ଼ଗଡ଼ିଆ ଘାଟ । ଶ୍ରଦ୍ଧାଳୁ ନଦୀ କୂଳରେ ଏକାଠି ହୋଇଥିବା ଦେଖିବାକୁ ମିଳିଥିଲା । କିଏ ବାବାଙ୍କ ପାଇଁ ବେଲ ପତ୍ର, ଫୁଲ ତ ଆଉ କିଏ ଘଡି, ଶିକା ଆଉ କଉଡ଼ି କିଣିବାରେ ବ୍ୟସ୍ତ ରହିଥିଲେ । ଗଡ଼ଗଡିଆ ଘାଟ ଜଳ ଧାରଣ ପାଇଁ ପ୍ରସିଦ୍ଧ ସ୍ଥାନ ହୋଇଥିବାରୁ ପ୍ରତିବର୍ଷ ଏଠାରେ ମାନସିକଧାରୀଙ୍କ ଭିଡ଼ ଲାଗିଥାଏ । 

ଇଟିଭି ଭାରତ, କଟକ