ବାଲୁକା କଳାରେ ଅଲିମ୍ପିକ୍ସ ପଦକ ବିଜେତା ସ୍ବପ୍ନିଲଙ୍କୁ ଶୁଭେଚ୍ଛା - Sand Art At Puri Sea Beach

ପୁରୀ: ପ୍ୟାରିସ ଅଲିମ୍ପିକ୍ସରେ ଭାରତକୁ ତୃତୀୟ ସଫଳତା । ପୁଣି ଶୁଟିଂରେ ଭାରତକୁ ମିଳିଛି ଆଉ ଏକ ପଦକ । ସ୍ବପ୍ନୀଲ କୁସାଲେ 50 ମିଟର ରାଇଫଲ 3 ପୋଜିସନ ବ୍ୟକ୍ତିଗତ ପୁରୁଷ ସୁଟିଂ ଇଭେଣ୍ଟରେ ଚଳିତ ପ୍ୟାରିସ ଅଲିମ୍ପିକ୍ସ 2024ରେ ଦମଦାର ପ୍ରଦର୍ଶନ କରି ଗୁରୁବାର ଦେଶ ପାଇଁ ବ୍ରୋଞ୍ଜ ପଦକ ଜିତିଛନ୍ତି । ତେବେ ଏହି ସଫଳତା ପରେ ସାରା ଦେଶରେ ଆନନ୍ଦର ଲହରୀ ଖେଳିଯାଇଛି । ସ୍ବପ୍ନିଲଙ୍କ ଏହି ଐତିହାସିକ ସଫଳତା ପାଇଁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଏହି ଅବସରରେ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପୁରୀ ବେଳାଭୂମିରେ ଏକ ସୁନ୍ଦର ବାଲୁକା କଳା କରି ସ୍ବପ୍ନିଲଙ୍କୁ ଅଭିନନ୍ଦନ ଜଣାଇଛନ୍ତି । ଏଥି ସହିତ ଅଲିମ୍ପିକ୍ସରେ ଭାଗ ନେଇଥିବା ସବୁ ଖେଳାଳି ଭଲ ପ୍ରଦର୍ଶନ କରି ମେଡାଲ ଆଣିବାକୁ ସୁଦର୍ଶନ ଶୁଭେଚ୍ଛା ଜଣାଇଛନ୍ତି ।

ଇଟିଭି ଭାରତ, ପୁରୀ